స్థానిక సెయింట్ ఆన్స్ ఇంగ్లీష్ మీడియం స్కూల్ వార్షికోత్సవ వేడుకలు అత్యంత వైభవంగా జరిగాయి. ఈ కార్యక్రమానికి సెయింట్ ఆన్స్ సొసైటీ ప్రోవిన్సియల్ సూపర్వైజర్ సిస్టర్ సాండ్రీన ముఖ్య అతిథిగా హాజరయ్యారు.
ఎక్కడైతే క్రమశిక్షణతో కూడిన విద్యాబోధన జరుగుతుందో, అక్కడ విద్యార్థులు ఉన్నత శిఖరాలకు చేరుకుంటారని సిస్టర్ సాండ్రీన ఈ సందర్భంగా పేర్కొన్నారు. గత నాలుగు సంవత్సరాలుగా పదో తరగతి పరీక్షల్లో అత్యుత్తమ మార్కులు సాధించిన విద్యార్థులకు ప్రత్యేక జ్ఞాపికలను అందజేసి అభినందించారు. విద్యార్థులు ప్రదర్శించిన వివిధ సాంస్కృతిక కార్యక్రమాలు, నృత్యాలు సందర్శకులను విశేషంగా అలరించాయి. ఈ కార్యక్రమంలో ప్రోవిన్సియల్ కౌన్సిలర్ సిస్టర్ ప్రేమ, ప్రిన్సిపాల్ క్రిస్టీ జాన్, కరస్పాండెంట్ సిస్టర్ త్రిసా మేరీ, ఫాదర్ ఆల్ఫోన్స్ మరియు ఉపాధ్యాయులు, తల్లిదండ్రులు పాల్గొన్నారు.