Machilipatnam జిల్లా కేంద్రంలోని ప్రభుత్వ ఆసుపత్రిలో తీవ్ర అవస్థలు నెలకొన్నట్లు ఆరోపణలు వెల్లువెత్తుతున్నాయి. ఆసుపత్రిలో వైద్య సిబ్బంది కొరత కారణంగా పారిశుద్ధ్య కార్మికులే రోగులకు సహాయకులుగా పనిచేస్తున్న పరిస్థితి ఉందని స్థానికులు విమర్శిస్తున్నారు.
ఓపి నమోదు, రోగులను వార్డులకు మార్గనిర్దేశం చేయడం వంటి పనులను సంబంధిత సిబ్బంది చేయాల్సి ఉండగా, కొన్ని చోట్ల శానిటేషన్ సిబ్బంది ఆ బాధ్యతలు నిర్వహిస్తున్నారని ఆరోపణలు వినిపిస్తున్నాయి. ఆసుపత్రిలో పరిశుభ్రత, టాయిలెట్ సదుపాయాలు కూడా తక్కువగా ఉండటంతో రోగులు ఇబ్బందులు ఎదుర్కొంటున్నారు.ప్రతిరోజూ వందలాది మంది రోగులు ఆసుపత్రికి వస్తుండగా, మౌలిక వసతులు సరిపోకపోవడం సమస్యగా మారింది. ఈ పరిస్థితిపై అధికారులు దృష్టి సారించి ఆసుపత్రి వ్యవస్థను క్రమబద్ధీకరించాలని ప్రజలు కోరుతున్నారు.