భార్యకు మెయింటెనెన్స్‌ చెల్లింపుపై సుప్రీంకోర్టు కీలక ఆదేశం

భార్యకు ఇవ్వాల్సిన నెలవారీ మెయింటెనెన్స్‌ విషయంలో Supreme Court of India కీలక ఆదేశాలు జారీ చేసింది. భర్త తన బాధ్యతలను తప్పించుకునే పరిస్థితులు రాకుండా ఉండేందుకు, భర్త పనిచేస్తున్న సంస్థ అతని జీతం నుండి నిర్ణయించిన మొత్తాన్ని నేరుగా భార్య బ్యాంక్ ఖాతాలో జమ చేయాలని కోర్టు సూచించింది.

ఈ విధానం ద్వారా మెయింటెనెన్స్ చెల్లింపులు ఆలస్యం కాకుండా ఉండటంతో పాటు, కుటుంబ వివాదాల్లో బాధిత మహిళలకు ఆర్థిక భద్రత లభిస్తుందని సుప్రీంకోర్టు పేర్కొంది. భర్త జీతం నుండి ప్రతి నెల నిర్ణీత మొత్తాన్ని కట్ చేసి భార్య ఖాతాలో జమ చేయాలని సంబంధిత యాజమాన్యానికి కోర్టు స్పష్టం చేసింది.