Venkatagiri పట్టణంలో ఆర్థికంగా ఇబ్బందులు ఎదుర్కొంటున్న పేద కుటుంబాలకు సీఎం సహాయనిధి చెక్కులను ఎమ్మెల్యే Kurugondla Ramakrishna స్వయంగా ఇళ్లకు వెళ్లి అందజేశారు. బాధిత కుటుంబాల యోగక్షేమాలను తెలుసుకుని వారికి ధైర్యం చెప్పారు.
ఈ సందర్భంగా ఎమ్మెల్యే మాట్లాడుతూ పేదరికమే అర్హతగా భావించి ముఖ్యమంత్రి సహాయనిధి అందజేస్తున్నామని తెలిపారు. ఆర్థిక ఇబ్బందులు ఎదుర్కొంటున్న పేద కుటుంబాలకు ఈ సహాయం పెద్ద అండగా నిలుస్తుందని చెప్పారు. అర్హులైన ప్రతి ఒక్కరికీ ఈ సాయం అందేలా కృషి చేస్తున్నామని పేర్కొన్నారు.తమ ఇంటికే వచ్చి సహాయం అందజేసిన ఎమ్మెల్యేకు బాధిత కుటుంబాలు కృతజ్ఞతలు తెలిపారు. కార్యక్రమంలో స్థానిక నాయకులు, కార్యకర్తలు పాల్గొన్నారు.