కామారెడ్డి మున్సిపల్ పరిధిలోని Lingapur గ్రామంలో రోడ్డుపై వెళ్తున్న కారులో ఒక్కసారిగా మంటలు చెలరేగి కారు పూర్తిగా దగ్ధమైంది.
పోలీసులు తెలిపిన వివరాల ప్రకారం, లింగాపూర్కు చెందిన అనిల్ కారు నడుపుకుంటూ Kamareddy వైపు వెళ్తుండగా కారులో నుంచి ఒక్కసారిగా పొగలు రావడం గమనించాడు. వెంటనే అప్రమత్తమై కారును ఆపి బయటకు దిగడంతో పెద్ద ప్రమాదం తప్పింది.కొద్దిసేపటికే మంటలు వ్యాపించి కారు పూర్తిగా కాలిపోయింది. సమాచారం అందుకున్న అగ్నిమాపక సిబ్బంది ఘటన స్థలానికి చేరుకుని మంటలను అదుపులోకి తెచ్చారు. ఘటనపై అడిషనల్ ఎస్పీ చైతన్య రెడ్డి సంఘటనా స్థలానికి చేరుకుని విచారణ చేపట్టారు. దగ్ధమైన కారు లింగాపూర్కు చెందిన బందెల రాజుదిగా పోలీసులు గుర్తించారు.