ఇరాన్ ఆపరేషన్ల కోసం మందుగుండు సామగ్రి నిల్వలపై అమెరికా దృష్టి
అంశాన్ని ఖండించిన తైవాన్, తీవ్ర అభ్యంతరం తెలిపిన చైనా
United States నౌకాదళ తాత్కాలిక కార్యదర్శి హంగ్ కావో తైవాన్కు ఆయుధాల అమ్మకాలపై కీలక వ్యాఖ్యలు చేశారు. ఇరాన్కు సంబంధించిన సైనిక ఆపరేషన్ల కోసం అమెరికా సైన్యానికి అవసరమైన మందుగుండు సామగ్రి అందుబాటులో ఉండేలా చూసేందుకు ప్రస్తుతం ఆయుధాల విక్రయాలను తాత్కాలికంగా నిలిపినట్లు తెలిపారు.
అమెరికా కాంగ్రెస్ విచారణలో తైవాన్ చేపట్టిన 14 బిలియన్ డాలర్ల ఆయుధాల కొనుగోలు ఎందుకు నిలిచిపోయిందని ప్రశ్నించగా ఆయన స్పందించారు. “ఎపిక్ ఫ్యూరీ ఆపరేషన్కు అవసరమైన సామగ్రి మా వద్ద సమృద్ధిగా ఉంది. అయినప్పటికీ అన్ని నిల్వలను మరోసారి పరిశీలిస్తున్నాం. ఆ తర్వాత ప్రభుత్వం అవసరమని భావించినప్పుడు విదేశీ సైనిక అమ్మకాలు తిరిగి ప్రారంభమవుతాయి” అని చెప్పారు.
హంగ్ కావో వ్యాఖ్యలపై అమెరికా విదేశాంగ శాఖ, పెంటగాన్ వెంటనే స్పందించలేదు. ఇదిలా ఉండగా తైవాన్ అధ్యక్ష కార్యాలయ ప్రతినిధి కేరెన్ కువో శుక్రవారం స్పందిస్తూ.. ఈ ఆయుధాల ఒప్పందంలో మార్పులు చేయాలన్న ఉద్దేశం అమెరికాకు ఉందని సూచించే సమాచారం తమ వద్ద లేదన్నారు.
మరోవైపు China విదేశాంగ శాఖ ప్రతినిధి మాత్రం అమెరికా చర్యలను తీవ్రంగా వ్యతిరేకించారు. “తైవాన్ ప్రాంతానికి అమెరికా ఆయుధాల అమ్మకాలపై మా వ్యతిరేకత స్పష్టమైనది, దృఢమైనది” అని చెప్పారు.
అమెరికా అధ్యక్షుడు Donald Trump ఈ ఆయుధాల విక్రయ ప్రక్రియను కొనసాగిస్తారా లేదా అన్నదానిపై ఇప్పటివరకు స్పష్టత ఇవ్వలేదు. దీంతో తైవాన్కు అమెరికా మద్దతుపై సందేహాలు వ్యక్తమవుతున్నాయి.
అమెరికా అధికారికంగా బీజింగ్నేకి గుర్తింపు ఇచ్చినా, స్వయంప్రతిపత్తి కలిగిన తైవాన్ రక్షణ అవసరాల కోసం ఆయుధాలు అందించాల్సిన బాధ్యత అమెరికా చట్టాల ప్రకారం ఉంది.