పూజ పేరుతో నమ్మించి..
ఒషవా నగరంలోని ఓ కుటుంబం మతపరమైన పూజ నిర్వహించేందుకు న్యూయార్క్కు చెందిన హిందూ పూజారి రాజేంద్రనాథ్ దుద్నాథ్ మహారాజ్ను ఇంటికి ఆహ్వానించింది.
ఆ సమయంలో మహిళపై దుష్టశక్తుల ప్రభావం ఉందని పూజారి నమ్మించాడు. దాని నుంచి విముక్తి పొందేందుకు ప్రత్యేక పూజ అవసరమని చెప్పాడు.
ఏకాంత ప్రదేశానికి తీసుకెళ్లి..
మహిళ సమస్యలను పరిష్కరిస్తానని చెప్పి ఆమె నమ్మకాన్ని పొందిన పూజారి.. ఆ తర్వాత ఆమెను ఏకాంత ప్రదేశానికి తీసుకెళ్లినట్లు పోలీసులు తెలిపారు.
మతపరమైన పూజ, చికిత్స పేరుతో ఆమెపై లైంగిక దాడికి పాల్పడినట్లు ఆరోపణలు వచ్చాయి.
కెనడాలో అరెస్ట్.. మరికొందరు బాధితులున్నారా?
ఫిర్యాదు అందిన వెంటనే డర్హామ్ పోలీసులు స్పందించి రాజేంద్రనాథ్ దుద్నాథ్ మహారాజ్ను అరెస్టు చేశారు.
ఆయనపై తీవ్రమైన లైంగిక దాడి అభియోగాలు మోపారు. బెయిల్ విచారణ జరిగే వరకు ఆయన పోలీసుల అదుపులో ఉంటారు.
ఇదే తరహా మోసపూరిత పద్ధతులతో పూజారి గతంలో ఇతర మహిళలను కూడా లక్ష్యంగా చేసుకుని ఉండవచ్చని దర్యాప్తు అధికారులు అనుమానిస్తున్నారు.
ఇలాంటి ఘటనకు గురైన వారు ఉంటే వెంటనే పోలీసులను సంప్రదించాలని అధికారులు కోరారు.