మంగళవారం అర్ధరాత్రి సమయంలో ఘటన
రెండు ఫైర్ ఇంజిన్లతో మంటలు అదుపులోకి
Hyderabad: హైదరాబాద్లోని సైదాబాద్లో Madannapet కూరగాయల మార్కెట్లో మంగళవారం అర్ధరాత్రి భారీ అగ్ని ప్రమాదం జరిగింది. ఒక్కసారిగా మంటలు చెలరేగడంతో మార్కెట్లోని పలు దుకాణాలు పూర్తిగా దగ్ధమయ్యాయి.
షార్ట్ సర్క్యూట్తోనేనా?
ప్రాథమిక సమాచారం ప్రకారం షార్ట్ సర్క్యూట్ కారణంగానే మంటలు చెలరేగి ఉండొచ్చని అధికారులు భావిస్తున్నారు. అయితే అగ్ని ప్రమాదానికి అసలు కారణం ఏమిటనేది ఇంకా నిర్ధారించాల్సి ఉంది.
రెండు ఫైర్ ఇంజిన్లతో మంటలు అదుపులోకి
అగ్ని ప్రమాదంపై సమాచారం అందుకున్న వెంటనే ఫైర్ సిబ్బంది రెండు ఫైర్ ఇంజిన్లతో ఘటనాస్థలానికి చేరుకున్నారు. కొంతసేపు ఫైర్ ఫైటింగ్ ఆపరేషన్ నిర్వహించిన తర్వాత మంటలను అదుపులోకి తీసుకువచ్చారు.
ఆస్తి నష్టంపై అంచనా
ఈ ఘటనలో ఎలాంటి ప్రాణనష్టం జరగలేదు. అగ్ని ప్రమాదం వల్ల జరిగిన ఆస్తి నష్టంపై అధికారులు అంచనా వేస్తున్నారు. మంటలు చెలరేగడానికి ఖచ్చితమైన కారణాన్ని అధికారులు గుర్తిస్తున్నారు.
