దక్షిణ ఇరాన్‌లో విషాదం
దక్షిణ ఇరాన్‌లో జరుగుతున్న ఓ వివాహ వేడుకపై అమెరికా క్షిపణి దాడి జరిగినట్లు ఇరాన్ రెడ్ క్రెసెంట్ వెల్లడించింది.
ఈ ఘటనలో చిన్నారి సహా నలుగురు ప్రాణాలు కోల్పోగా.. 50 మందికి పైగా తీవ్రంగా గాయపడ్డారు.
హోర్ముజ్గంజ్ ప్రావిన్స్‌లోని సిరిక్ కౌంటీ పరిధిలో ఉన్న కుహెస్టాక్ నగరంలో ఓ నివాస గృహంలో పెళ్లి వేడుక జరుగుతోంది.
ఆ సమయంలో అమెరికా క్షిపణి దాడి జరిగినట్లు ఇరాన్ రెడ్ క్రెసెంట్ ఎక్స్ (ట్విట్టర్) వేదికగా తెలిపింది.
క్షిపణి దాడి శకలాలు ఇంటిపై పడటంతో ఈ ప్రమాదం జరిగినట్లు వివరించింది.
శిథిలాల మధ్య ఆర్తనాదాలు
దాడి జరిగిన ప్రాంతంలో భారీగా శిథిలాలు కూలిపోయిన దృశ్యాలను ఇరాన్ ప్రభుత్వ సోషల్ మీడియా ఖాతా షేర్ చేసింది.
ప్రజలు భయంతో ఆర్తనాదాలు చేస్తున్న దృశ్యాలు కూడా అందులో కనిపించాయి.
ఈ ఘటనలో నలుగురు మృతి చెందగా, 50 మందికి పైగా గాయపడ్డారని అధికారులు స్పష్టం చేశారు.
సిరిక్ కౌంటీ హోర్ముజ్ జలసంధికి సమీపంలో ఉంది. హోర్ముజ్ జలసంధిలో వాణిజ్య నౌకలు, అమెరికా సైనికులపై ఇరాన్ రివల్యూషనరీ గార్డ్స్ ఇటీవల జరిపిన దాడులకు ప్రతిచర్యగానే తాము ఈ దాడులు నిర్వహిస్తున్నట్లు అమెరికా తెలిపింది.
అయితే సిరిక్ కౌంటీలో అసలు ఏ లక్ష్యాన్ని ఉద్దేశించి ఈ దాడి జరిగిందనే విషయం మాత్రం స్పష్టంగా తెలియరాలేదు.
40 రోజుల పాటు తీవ్రంగా కొనసాగిన పోరు
గత ఫిబ్రవరి 28న అమెరికా-ఇజ్రాయెల్ సంయుక్త దాడులతో ఈ సంఘర్షణ ప్రారంభమైంది.
ఈ దాడుల్లో ఇరాన్ సుప్రీంకోర్ట్ లీడర్ అలీ ఖమేనీతో పాటు పలువురు సైనికతాధికారులు ప్రాణాలు కోల్పోయారు.
అప్పట్లో సుమారు 40 రోజుల పాటు తీవ్ర స్థాయిలో దాడులు కొనసాగాయి.
ప్రస్తుతం హోర్ముజ్ జలసంధి చుట్టుపక్కల ప్రాంతాల్లో అడపా దడపా దాడులు కొనసాగుతున్నాయి.
తాజా పరిణామాలతో అమెరికా-ఇరాన్ మధ్య శాంతి ఒప్పందం కుదిరే అవకాశాలు మరింత సన్నగిల్లినట్లు కనిపిస్తోంది.