అట్టాపూర్ బ్రిడ్జి వద్ద రోడ్డు పనులు.. ప్రత్యామ్నాయ మార్గాలు ఇవే
వాహనదారులు ఈ మార్గాల్లో వెళ్లాలని సూచన
హైదరాబాద్లో అట్టాపూర్ బ్రిడ్జి, బాపుఘాట్, లంగర్ హౌజ్ ప్రాంతాల్లో సెప్టెంబర్ 4 నుంచి 11 వరకు ట్రాఫిక్ (Hyderabad Traffic)మళ్లింపులు అమల్లో ఉంటాయి. రోడ్డు పనుల కారణంగా ఈ ఆంక్షలు విధిస్తున్నారు. హైదరగూడ శ్మశానవాటిక సమీపంలోని అట్టాపూర్ బ్రిడ్జి వద్ద VDCC రోడ్డుతో పాటు RMC, 450-mm RCC NP3 పైప్లైన్ పనులు చేపడుతున్నారు.
వాహనదారులకు ప్రత్యామ్నాయ మార్గాలు
అట్టాపూర్ బ్రిడ్జి మార్గంలో ప్రయాణించే వాహనదారులు ఈ మార్గాన్ని వీలైనంత వరకు తప్పించుకుని ప్రత్యామ్నాయ రూట్లలో వెళ్లాలని అధికారులు సూచించారు.
- టిప్పు ఖాన్ బ్రిడ్జి/నార్సింగి నుంచి: బాపుఘాట్ రోడ్ – లంగర్ హౌజ్ – మొఘల్ కా నాలా, పిల్లర్ నంబర్ 102.
- అట్టాపూర్/అప్పర్పల్లి నుంచి: మొఘల్ కా నాలా, పిల్లర్ నంబర్ 102 – లంగర్ హౌజ్ – బాపుఘాట్ – టిప్పు ఖాన్.
- నానల్ నగర్/బాపుఘాట్ నుంచి రాజేంద్రనగర్ వైపు: లక్ష్మీ నగర్ రోడ్/లంగర్ హౌజ్ రోడ్ – మొఘల్ కా నాలా, పిల్లర్ నంబర్ 102.
అత్యవసర సమయంలో హెల్ప్లైన్
ప్రయాణ సమయంలో అత్యవసర సహాయం అవసరమైతే Hyderabad Traffic హెల్ప్లైన్ 9010203626 నంబర్ను సంప్రదించాలని సూచించారు.
