రాజీవ్ రహదారిపై కారులో మంటలు..

పొగ రావడంతో అప్రమత్తమైన కుటుంబ సభ్యులు

ఫైర్ టెండర్ వచ్చేలోపే పూర్తిగా దగ్ధం

సిద్ధిపేట: Rajiv Rahadhari పై కారులో మంటలు చెలరేగడంతో నలుగురు ప్రయాణికులు తృటిలో ప్రమాదం నుంచి బయటపడ్డారు. సిద్ధిపేట జిల్లా వంటిమామిడి వద్ద సోమవారం రాత్రి ఈ ఘటన జరిగింది. గౌరారం పోలీస్ స్టేషన్ పరిధిలో ప్రమాదం చోటుచేసుకుంది.

హైదరాబాద్‌కు వెళ్తుండగా ఘటన

ఒకే కుటుంబానికి చెందిన నలుగురు కారులో సిద్ధిపేట నుంచి హైదరాబాద్‌ వైపు వెళ్తున్నారు. వంటిమామిడి వద్దకు చేరుకున్న సమయంలో కారులో నుంచి పొగ రావడాన్ని వారు గమనించారు.

దీంతో వెంటనే కారును రోడ్డు పక్కన ఆపారు. అందులో నుంచి బయటకు దూకారు. వారు కారు దిగిన కొద్దిసేపటికే వాహనం మంటల్లో పూర్తిగా చిక్కుకుంది.

పూర్తిగా దగ్ధమైన కారు

సమాచారం అందుకున్న ఫైర్ సిబ్బంది ఫైర్ టెండర్‌తో ఘటనాస్థలికి చేరుకున్నారు. అయితే అప్పటికే కారు పూర్తిగా మంటల్లో కాలిపోయింది. ఫైర్ సిబ్బంది మంటలను అదుపులోకి తీసుకువచ్చారు. ప్రమాదంలో కుటుంబ సభ్యులంతా సురక్షితంగా బయటపడటంతో పెద్ద ప్రమాదం తప్పింది.