ప్రముఖ హీరోయిన్ సమంత పెళ్లి విషయంలో క్లారిటీ ఇచ్చారు. ప్రముఖ దర్శకుడు రాజ్ నిడిమోరు ని పెళ్లి చేసుకొన్నారు. కోయంబత్తూర్ లో సన్నిహితుల సమక్షంలో ఈ పెళ్లి జరిగింది. రెండు రోజులుగా నెట్టింట్లో జరుగుతున్న ఊహాగానాలకు తెరపడింది.
ఒక్కసారిగా రాజ్ గురించి చర్చ మొదలు అయిపోయింది. రాజ్ నిడిమోరు (50) ప్రముఖ దర్శకుడు, రచయిత, నిర్మాత. తన స్నేహితుడు కృష్ణ డీకేతో కలిసి ‘రాజ్ & డీకే’ పేరుతో ఇండస్ట్రీలో ఎంతో గుర్తింపు పొందారు. ఆంధ్రప్రదేశ్లోని తిరుపతిలో 1975లో పుట్టిన రాజ్… ఎస్వీయూ కాలేజీలో ఇంజినీరింగ్ పూర్తి చేశారు. ఆ తర్వాత అమెరికాలో సాఫ్ట్వేర్ ఇంజినీర్గా స్థిరపడ్డారు. సినిమాపై ఆసక్తితో ఉద్యోగాన్ని వదిలి, కృష్ణ డీకేతో కలిసి సినీ ప్రయాణం ప్రారంభించారు. ‘గో గోవా గాన్’, ‘స్త్రీ’, ‘ది ఫ్యామీలీ మ్యాన్’, ‘ఫర్జీ’ వంటి విజయవంతమైన ప్రాజెక్టులతో దేశవ్యాప్తంగా పేరు సంపాదించారు. మీడియా అంచనాల ప్రకారం, రాజ్ నిడిమోరు ఆస్తి విలువ సుమారు రూ. 83-85 కోట్లు. ఇక సమంత ఆస్తి విలువ రూ. 100-110 కోట్ల మధ్య ఉంటుందని అంచనా.
ఇప్పుడిప్పుడే ఈ పెళ్లి వివరాలు వెలుగు చూస్తున్నాయి. ఈ కార్యక్రమంలో సమంత ఎర్రటి చీరలో మెరిసిపోయారు. ‘ది ఫ్యామిలీ మ్యాన్ సీజన్ 2’ వెబ్ సిరీస్ సెట్స్లో కలుసుకున్న వీరిద్దరి మధ్య స్నేహం క్రమంగా ప్రేమగా మారింది. ఆ తర్వాత ‘సిటాడెల్: హనీ బన్నీ’ సిరీస్లో కూడా సమంత నటించడంతో వీరి బంధం మరింత బలపడింది. ఈ ఏడాది ఫిబ్రవరిలో ఓ స్పోర్ట్స్ ఈవెంట్లో ఇద్దరూ కలిసి కనిపించడంతో వీరి డేటింగ్ వార్తలకు బలం చేకూరింది.
మరో ఆసక్తికరమైన విషయం ఏమిటంటే.. సమంత (38)కు, రాజ్ నిడిమోరుకు ఇద్దరికీ ఇది రెండో వివాహం కావడం గమనార్హం. నటుడు నాగచైతన్యతో 2017లో వివాహం చేసుకున్న సమంత, 2021లో విడాకులు తీసుకున్నారు. మరోవైపు, రాజ్ నిడిమోరు తన మొదటి భార్య శ్యామలికి 2022లో విడాకులు ఇచ్చారు. మొత్తం మీద సమంత, రాజ్ కూడా సినిమా కెరీర్ ను కొనసాగించే అవకాశాలు ఎక్కువగా కనిపిస్తున్నాయి.