ఉస్మానియా యూనివర్సిటీ (OU) ఎగ్జిక్యూటివ్ ఇంజనీర్ కార్యాలయంలో అవినీతి నిరోధక శాఖ (ACB) అధికారులు బుధవారం మెరుపు సోదాలు నిర్వహించారు. ఈ సోదాల్లో బిల్డింగ్ డివిజన్ డివిజనల్ ఇంజనీర్ (DE) శ్రీనివాస్ లంచం తీసుకుంటూ రెడ్ హ్యాండెడ్గా పట్టుబడ్డారు.
ఓయూలో సివిల్ కాంట్రాక్టర్కు సంబంధించిన పనుల కోసం డీఈ శ్రీనివాస్ రూ. 11,000 లంచం డిమాండ్ చేశారు. కాంట్రాక్టర్ నుంచి నగదు తీసుకుంటుండగా ఏసీబీ అధికారులు దాడి చేసి ఆయనను అదుపులోకి తీసుకున్నారు. విచారకరమైన విషయం ఏంటంటే, సదరు అధికారి శ్రీనివాస్ మరికొద్ది రోజుల్లో (రెండు నెలల్లో) పదవీ విరమణ (Retirement) పొందాల్సి ఉంది. ప్రస్తుతం కార్యాలయంలోని రికార్డులను ఏసీబీ అధికారులు క్షుణ్ణంగా పరిశీలిస్తున్నారు.