నేషనల్ క్రష్ రష్మిక మందన్న ప్రస్తుతం సినిమా వార్తలతో కాకుండా తన శ్రీలంక విహారయాత్రతో వార్తల్లో నిలుస్తోంది. ఈ ‘పుష్ప’ స్టార్ తన స్నేహితురాళ్లతో కలిసి వెళ్లిన ఈ “గర్ల్స్ ట్రిప్” ఫోటోలు నెట్టింట హల్ చల్ చేస్తున్నాయి. అయితే, విజయ్ దేవరకొండతో త్వరలో జరగబోయే వివాహానికి ముందు రష్మిక ఇస్తున్న ‘బ్యాచిలొరెట్ పార్టీ’ (Bachelorette Party) ఇదేనని సోషల్ మీడియాలో నెటిజన్లు జోరుగా చర్చించుకుంటున్నారు.
రష్మిక తన స్నేహితురాళ్లతో కలిసి దిగిన సంతోషకరమైన ఫోటోలను పంచుకోవడంతో, అభిమానులు దీనిని పెళ్లికి ముందు జరుపుకునే వేడుకగా భావిస్తున్నారు. “పెళ్లికి ముందు స్నేహితులతో ఆఖరి సరదా” అంటూ కామెంట్స్ చేస్తున్నారు. ViRASH(విజయ్ మరియు రష్మిక) పెళ్లి చేసుకోబోతున్నారనే వార్తలు చాలా కాలంగా వినిపిస్తున్నాయి, తాజా పరిణామాలతో ఈ జంట త్వరలోనే ఒక ఇంటి వారు కాబోతున్నారని అభిమానులు గట్టిగా నమ్ముతున్నారు.
రష్మిక తన ఫోటోలకు కేవలం “స్నేహం మరియు విశ్రాంతి” అని క్యాప్షన్లు ఇచ్చినప్పటికీ.. కామెంట్ సెక్షన్ మాత్రం “పెళ్లి ఎప్పుడు?” అనే ప్రశ్నలతో నిండిపోయింది. ఒకవైపు ఈ పుకార్లు షికారు చేస్తున్నా, రష్మిక తన సినిమాలతో బిజీగా ఉంది. ఆమె నటించిన ‘పుష్ప 2: ది రూల్’ బాక్సాఫీస్ వద్ద రికార్డులు సృష్టిస్తుండగా, మరిన్ని భారీ ప్రాజెక్టులు లైన్లో ఉన్నాయి.