ఆంధ్రప్రదేశ్ రాష్ట్ర విద్యా, ఐటీ శాఖల మంత్రి నారా లోకేష్ మరియు ఆయన భార్య నారా బ్రాహ్మణి సోమవారం ఉదయం షిరిడీ క్షేత్రాన్ని సందర్శించారు. తెల్లవారుజామున శ్రీ సాయినాథుని సన్నిధిలో జరిగిన అత్యంత ప్రతిష్టాత్మకమైన కాకడ హారతి సేవలో వారు పాల్గొన్నారు.
కాకడ హారతి అనంతరం లోకేష్ దంపతులు సాయిబాబా సమాధిని దర్శించుకుని ప్రత్యేక పూజలు నిర్వహించారు. దేశం మరియు రాష్ట్రం సుభిక్షంగా ఉండాలని ఈ సందర్భంగా ప్రార్థించారు. షిరిడీ సాయి సంస్థాన్ ట్రస్ట్ సభ్యులు, అధికారులు లోకేష్ దంపతులకు ఘనస్వాగతం పలికారు. స్వామివారి దర్శనం అనంతరం వారిని దుశ్శాలువతో సత్కరించి, తీర్థప్రసాదాలను అందజేశారు. మంత్రిని చూసేందుకు స్థానిక భక్తులు మరియు తెలుగు రాష్ట్రాల నుంచి వచ్చిన యాత్రికులు ఉత్సాహం చూపారు.
