ఆంధ్రప్రదేశ్ ముఖ్యమంత్రి నారా చంద్రబాబు నాయుడు నేడు సాయంత్రం దేశ రాజధాని ఢిల్లీకి వెళ్లనున్నారు. రెండు రోజుల పాటు సాగే ఈ పర్యటనలో ఆయన పలువురు కేంద్ర మంత్రులతో వరుస భేటీలు నిర్వహించనున్నారు.
కేంద్ర హోం మంత్రి అమిత్ షా, ఆర్థిక మంత్రి నిర్మలా సీతారామన్, కేంద్ర రవాణా శాఖ మంత్రి నితిన్ గడ్కరీలను చంద్రబాబు కలిసే అవకాశం ఉంది. ప్రధానంగా పోలవరం ప్రాజెక్టు సవరించిన అంచనాల ఆమోదం, రాష్ట్రానికి రావాల్సిన పెండింగ్ నిధులు, మరియు అమరావతి అభివృద్ధికి కేంద్రం నుంచి అందాల్సిన సహాయంపై చర్చించనున్నారు.AP పునర్విభజన చట్టంలోని పెండింగ్ అంశాలను త్వరితగతిన పూర్తి చేయాలని ఆయన కేంద్ర మంత్రులకు విజ్ఞప్తి చేయనున్నారు.
రాష్ట్రంలోని నూతన జాతీయ రహదారులు, ఇండస్ట్రియల్ కారిడార్ల పురోగతిపై సంబంధిత మంత్రులతో చర్చలు జరపనున్నారు. రాష్ట్రానికి పెట్టుబడుల ఆకర్షణ మరియు కేంద్ర పథకాల అమలులో వేగం పెంచడమే లక్ష్యంగా ఈ పర్యటన సాగనుంది.