రాష్ట్రంలో ఫీజు రీయింబర్స్మెంట్ నిధుల విడుదలపై నెలకొన్న జాప్యం విద్యార్థుల పాలిట శాపంగా మారిందని వైసీపీ ఎమ్మెల్సీ భరత్ ఆరోపించారు. కూటమి ప్రభుత్వం అధికారంలోకి వచ్చాక విద్యార్థుల సమస్యలను గాలికి వదిలేసిందని ఆయన మండిపడ్డారు.
రాష్ట్రంలో సుమారు రూ. 8,500 కోట్ల ఫీజు రీయింబర్స్మెంట్ బకాయిలు పెండింగ్లో ఉన్నాయని, దీనివల్ల వేలాది మంది విద్యార్థులు ఇబ్బందులు పడుతున్నారని తెలిపారు. కాలేజీలకు ఫీజులు అందకపోవడంతో యాజమాన్యాలు విద్యార్థులకు హాల్ టికెట్లు ఇవ్వడం లేదని, ఇది వారి విద్యా సంవత్సరాన్ని దెబ్బతీస్తోందని ఆవేదన వ్యక్తం చేశారు. ప్రభుత్వం తక్షణమే స్పందించి పూర్తి స్థాయిలో బకాయిలను విడుదల చేయాలని, విద్యార్థులకు అన్యాయం జరగకుండా చూడాలని ఆయన డిమాండ్ చేశారు. ఇదే సమయంలో ప్రభుత్వం ఇటీవల రూ. 1,200 కోట్ల బకాయిలను విడుదల చేసినట్లు ప్రకటించగా, ఆ మొత్తం సరిపోదని ప్రతిపక్షం వాదిస్తోంది.