పార్వతీపురం మన్యం జిల్లా, భామిని: విద్యావ్యవస్థలో నాణ్యతను పెంచే లక్ష్యంతో ముఖ్యమంత్రి చంద్రబాబు నాయుడు మరియు విద్యాశాఖ మంత్రి నారా లోకేష్ గురువారం భామిని ప్రభుత్వ పాఠశాలలో నిర్వహించిన మెగా పేరెంట్ టీచర్ ఆత్మీయ సమావేశంలో పాల్గొన్నారు.
సీఎం చంద్రబాబు నాయుడు స్వయంగా విద్యార్థులకు ఇచ్చిన లెర్నింగ్ టూల్స్ను పరిశీలించి, వారి సామర్థ్యాలను పరీక్షించారు. మెరుగ్గా నేర్చుకోవడానికి అవసరమైన విధానాలను వారికి వివరించారు.
సీఎం మరియు మంత్రి లోకేష్ విద్యార్థుల ప్రోగ్రెస్ కార్డులను పరిశీలించడంతో పాటు, తల్లిదండ్రులతో స్వయంగా మాట్లాడి, వారి అభిప్రాయాలు తెలుసుకున్నారు.
పాఠశాలల్లో డిజిటల్ లెర్నింగ్ సామర్థ్యాలను గణనీయంగా పెంచేందుకు తక్షణ కార్యాచరణను రూపొందించాలని విద్యాశాఖను ముఖ్యమంత్రి ఆదేశించారు.
విద్యార్థులకు కేవలం పాఠాలు చెప్పడం మాత్రమే కాకుండా, భవిష్యత్తుకు ఉపయోగపడే వివిధ నైపుణ్యాలను (Skills) కూడా పెంపొందించే దిశగా ఉపాధ్యాయులు కృషి చేయాలని సీఎం సూచించారు.
ఈ సందర్భంగా విద్యా శాఖలో చేపట్టిన సంస్కరణల పురోగతిని మంత్రి నారా లోకేష్ ముఖ్యమంత్రికి వివరించారు.
