చింతపల్లి APR కళాశాలకు పూర్వ విద్యార్థి డాక్టర్ జర్ర అప్పారావు సేవాభావాన్ని చాటుతూ రూ.1 లక్షల విరాళాన్ని అందజేశారు. కళాశాలలో నిర్వహించిన పూర్వ విద్యార్థుల సమ్మేళన కార్యక్రమంలో ఆయన ఈ చెక్కును పూర్వ విద్యార్థుల సంఘానికి అందించారు.
ఈ సందర్భంగా మాట్లాడిన ఆయన, తన జీవితానికి మార్గదర్శకత్వం చూపిన గురువులు, విద్యనందించిన కళాశాలను ఎప్పటికీ మరువలేనని పేర్కొన్నారు. వారి ఋణం తీర్చలేనిదని చెప్పి, పూర్వ అధ్యాపకులను సన్మానిస్తూ కృతజ్ఞతలు తెలిపారు.కళాశాల అభివృద్ధికి తన వంతు బాధ్యతగా ఈ విరాళాన్ని అందిస్తున్నానని, భవిష్యత్తులో కూడా సహాయం కొనసాగిస్తానని ఆయన వెల్లడించారు.ఈ కార్యక్రమంలో ప్రిన్సిపాల్ రామేశ్వరం, కమిటీ సభ్యులు యు.వి. గిరి, కుడుముల వెంకటరమణ, జి. పద్మనాభం, జి. మోహనరావు, సి.హెచ్. విద్యాసాగర్ తదితరులు పాల్గొన్నారు.