మహారాష్ట్రలోని నాసిక్లో జరిగిన ఒక సైనిక పైలట్ గ్రాడ్యుయేషన్ వేడుక ఓ జంటకు ఒక మరపురాని మధుర అనుభూతికి కారణమైంది. నాసిక్లోని ‘కంబాట్ ఆర్మీ ఏవియేషన్ ట్రైనింగ్ స్కూల్’ (CAATS) లో శిక్షణను విజయవంతంగా పూర్తి చేసుకున్న పైలట్ల కోసం స్నాతకోత్సవ వేడుక జరిగింది. ఈ కార్యక్రమం పూర్తయిన వెంటనే, భరత్ భరద్వాజ్ అనే యువ ఆర్మీ పైలట్ తన ప్రియురాలికి ఒక హెలికాప్టర్ ముందు మోకాలిపై కూర్చుని ప్రపోజ్ చేశాడు. సైనిక క్రమశిక్షణ, నైపుణ్యాల ప్రదర్శనతో సాగిన ఈ వేడుకలో, ఈ యువ అధికారి చేసిన సర్ ప్రైజ్ ప్రపోజల్ అందరి దృష్టిని ఆకర్షించింది.
తన శిక్షణను పూర్తి చేసుకున్న భరత్, తన ప్రియురాలు ఆరుషిని అక్కడ ప్రదర్శనకు ఉంచిన ఒక హెలికాప్టర్ వద్దకు తీసుకెళ్లాడు. కుటుంబ సభ్యులు, స్నేహితులు, తోటి అధికారులు చూస్తుండగానే మోకరిల్లి ఆమెకు ఉంగరాన్ని అందించి పెళ్లికి ప్రతిపాదించాడు. ఆరుషి ఆ ప్రతిపాదనకు సంతోషంగా అంగీకరించడంతో, అక్కడున్న వారంతా ఆనందంతో కేరింతలు కొడుతూ, చప్పట్లతో వారిని అభినందించారు. ఈ అద్భుతమైన క్షణానికి సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది.