మెగాస్టార్ చిరంజీవి.. ఈ పేరుకు ప్రత్యేక పరిచయం అవసరం లేదు. సామాన్యుడి నుంచి స్టార్‌గా ఎదిగిన ఆయన.. తన డ్యాన్స్, యాక్టింగ్‌తో కోట్లాది మంది అభిమానులను అలరించారు. కొణిదెల శివ శంకర వరప్రసాద్‌ నుంచి చిరంజీవిగా మారిన ఆయన సినీ ప్రయాణం 48 ఏళ్లు పూర్తి చేసుకుంది.
1978లో సినీ ప్రయాణం ప్రారంభం
సరిగ్గా ఇదే రోజు.. సెప్టెంబర్ 22, 1978న చిరంజీవి సినీ కెరీర్ ప్రారంభమైంది. ఆయన నటించిన ‘ప్రాణం ఖరీదు’ సినిమా విడుదలైంది. ఈ సందర్భంగా చిరంజీవి ఎక్స్ వేదికగా ఓ ఎమోషనల్ పోస్ట్ చేశారు. ప్రస్తుతం ఈ పోస్ట్ వైరల్‌గా మారింది.
ఎన్నో విజయాలు చూశా
“22 సెప్టెంబర్ 1978.. ఆ రోజు మొదలైన నా సినీ ప్రయాణం నేటితో 48 వసంతాలు పూర్తి చేసుకుంది. ఈ 48 ఏళ్లలో ఎన్నో పాత్రలు పోషించాను. ఎన్నో విజయాలను చూశాను. ఎన్నో అవార్డులు, గౌరవాలు అందుకున్నాను” అని చిరంజీవి తన ఎక్స్ పోస్టులో పేర్కొన్నారు.
వాళ్లందరికీ ధన్యవాదాలు
తన సుదీర్ఘ సినీ ప్రయాణంలో తనను నమ్మి అవకాశాలు ఇచ్చిన నిర్మాతలకు చిరంజీవి కృతజ్ఞతలు తెలిపారు. తనలోని నటుడిని కొత్త కోణాల్లో ఆవిష్కరించిన దర్శకులకు, ప్రతి సినిమా వెనుక ఎంతో శ్రమించిన నటీనటులు, సాంకేతిక నిపుణులకు ధన్యవాదాలు చెప్పారు.
“ఈ సుదీర్ఘ ప్రయాణంలో నన్ను నమ్మి అవకాశాలు ఇచ్చిన ప్రతి నిర్మాతకు, నాలోని నటుడిని కొత్త కొత్త కోణాల్లో ఆవిష్కరించిన ప్రతి దర్శకుడికి, నా ప్రతి సినిమా వెనుక అహర్నిశలు శ్రమించిన నటీనటులకు, సాంకేతిక నిపుణులకు, ప్రతి ఒక్కరికీ నా హృదయపూర్వక కృతజ్ఞతలు. మీ అందరి సహకారమే నన్ను ఈరోజు ఈ స్థాయిలో నిలబెట్టింది” అని చిరంజీవి పేర్కొన్నారు.
చిరంజీవి అనే గుర్తింపు
48 ఏళ్ల సినీ ప్రయాణంలో తాను సాధించిన విజయాలు, అందుకున్న గౌరవాలతో పాటు తనను ఇంతకాలం ఆదరించిన ప్రతి ఒక్కరి సహకారాన్ని చిరంజీవి గుర్తు చేసుకున్నారు. తన సినీ ప్రయాణంలో భాగమైన ప్రతి ఒక్కరికీ ఈ సందర్భంగా కృతజ్ఞతలు తెలిపారు.