Jadcherla ఎమ్మెల్యే Janampalli Anirudh Reddy ఇప్పపూలతో తయారయ్యే సంప్రదాయ సారాను తెలంగాణ గ్లోబల్ బ్రాండ్గా అభివృద్ధి చేయాలని ప్రభుత్వాన్ని కోరనున్నట్లు తెలిపారు.
జడ్చర్ల క్యాంపు కార్యాలయంలో జరిగిన మీడియా సమావేశంలో ఆయన మాట్లాడుతూ, ఇప్పపూల సారా అనేది దేశంలో వేల సంవత్సరాలుగా ఉన్న సంప్రదాయ పానీయమని చెప్పారు. దీనిని ప్రోత్సహిస్తే గిరిజనులు, ఆదివాసీలకు ఉపాధి లభించడంతో పాటు రాష్ట్రానికి భారీ ఆదాయం వచ్చే అవకాశం ఉందన్నారు.అడవుల్లో సహజంగా లభించే ఇప్పపూలతో తయారయ్యే సారాను మాత్రమే తాను ప్రోత్సహిస్తున్నానని, రసాయనాలతో తయారయ్యే కల్తీ సారాకు తాను వ్యతిరేకమని స్పష్టం చేశారు. ఈ అంశంపై అసెంబ్లీలో కూడా చర్చించనున్నట్లు తెలిపారు.ఇప్పపూల సారాకు అంతర్జాతీయ స్థాయిలో గుర్తింపు తీసుకురావడం ద్వారా తెలంగాణకు ప్రత్యేక బ్రాండ్ ఇమేజ్ కల్పించాలన్నదే తన లక్ష్యమని ఎమ్మెల్యే అనిరుధ్ రెడ్డి పేర్కొన్నారు.