చరిత్రలో తొలిసారి ఫిఫా వరల్డ్ కప్ ఫైనల్కు హాఫ్టైమ్ షో
నాణ్యమైన విద్య కోసం FIFA Global Citizen Education Fundకు మద్దతుగా ప్రపంచ తారల ప్రదర్శన
ముంబై: ప్రపంచ ప్రఖ్యాత పాప్ స్టార్ Justin Bieber చరిత్రలో తొలిసారి నిర్వహించనున్న FIFA World Cup 2026 Final Halftime Showలో సహ-ప్రధాన ఆకర్షణగా పాల్గొననున్నారు.
ఈ ప్రదర్శనలో Shakira, Madonna, దక్షిణ కొరియా సంగీత సంచలనం BTS కూడా పాల్గొననున్నాయి.
Justin Bieber మాట్లాడుతూ, “FIFA World Cup ప్రపంచాన్ని ఒక్క వేదికపైకి తీసుకువస్తుంది. ఈ హాఫ్టైమ్ షోలో భాగమవడం ఆనందంగా ఉంది. దీని ద్వారా ప్రపంచవ్యాప్తంగా చిన్నారులకు విద్య అందించే ప్రయత్నానికి మద్దతు లభించడం మరింత సంతోషంగా ఉంది” అన్నారు.
ఈ హాఫ్టైమ్ షో జూలై 19, 2026న (భారత కాలమానం ప్రకారం జూలై 20) New York New Jersey Stadiumలో జరగనుంది.
అలాగే అంతర్జాతీయ ఖ్యాతి గాంచిన వెనిజులా సంగీత దర్శకుడు Gustavo Dudamel, New York Philharmonic సంగీత, కళా దర్శకుడిగా ఉన్న ఆయన కూడా ఈ కార్యక్రమంలో పాల్గొంటారు.
PS 22 Chorusతో పాటు Coldplay కూడా ప్రదర్శనలో భాగం కానున్నాయి.
FIFA అధ్యక్షుడు Gianni Infantino మాట్లాడుతూ, “ప్రపంచానికి ఇప్పుడు అత్యంత అవసరమైనది నాణ్యమైన విద్య. FIFA Global Citizen Education Fundకు మద్దతుగా జరిగే ఈ హాఫ్టైమ్ షోలో Madonna, Shakira, BTSతో పాటు Justin Bieber చేరడం ఆనందంగా ఉంది. ప్రపంచవ్యాప్తంగా చిన్నారులకు నాణ్యమైన విద్య, ఫుట్బాల్ అవకాశాలు అందించాలన్నదే మా లక్ష్యం” అని చెప్పారు.
ఈ కార్యక్రమానికి Coldplay బ్యాండ్ సభ్యుడు Chris Martin రూపకల్పన చేస్తున్నారు. ప్రపంచవ్యాప్తంగా కోట్లాది మంది వీక్షించే ఈ ప్రత్యేక కార్యక్రమం ఫుట్బాల్, సంగీతం, ఐక్యత, ఆశ అనే సందేశాలను ప్రతిబింబించనుంది.