Kadiriలో వరుస చోరీలకు పాల్పడుతున్న ముగ్గురు మహిళలను పోలీసులు అరెస్టు చేశారు. కదిరి ఆర్టీసీ బస్టాండ్ సమీపంలో జరుగుతున్న చోరీలపై దర్యాప్తు చేపట్టిన పోలీసులు అనుమానితులను అదుపులోకి తీసుకుని విచారించారు.
ఈ విషయాన్ని డీఎస్పీ శివ నారాయణస్వామి తెలిపారు. విచారణలో నిందితులు నేరాన్ని ఒప్పుకున్నట్లు చెప్పారు. వారి వద్ద నుంచి సుమారు రూ.5.65 లక్షల విలువైన బంగారు నగలు మరియు రూ.75 వేల నగదు స్వాధీనం చేసుకున్నట్లు వెల్లడించారు. ఈ ఘటనపై కేసు నమోదు చేసి పోలీసులు దర్యాప్తు కొనసాగిస్తున్నారు.