ల్యాప్‌టాప్ వాడుతున్నారా? ఈ విషయాలు గుర్తుంచుకోండి
రిమోట్ వర్క్, వర్క్ ఫ్రం హోమ్ ఉద్యోగాలు పెరగడంతో ల్యాప్‌టాప్ వినియోగం కూడా పెరిగింది. రోజులో చాలా గంటలు ల్యాప్‌టాప్‌పైనే పని చేస్తున్నారు. అయితే ల్యాప్‌టాప్‌ను ఎలా ఉపయోగిస్తున్నారన్నది కూడా చాలా ముఖ్యం. ముఖ్యంగా Sleep, Hibernate, Shutdown ఆప్షన్లను సరైన సమయంలో ఉపయోగించాలి.
ల్యాప్‌టాప్‌ను ప్రతిసారి షట్ డౌన్ చేయాల్సిన అవసరం ఉండదు. అలాగే ఎక్కువ సమయం ఉపయోగించకుండా ఉంచినప్పుడు కూడా స్లీప్ మోడ్‌లో పెట్టడం సరైన నిర్ణయం కాకపోవచ్చు. పరిస్థితిని బట్టి సరైన ఆప్షన్ ఎంచుకోవాలి.
ఇది కూడా చదవండి
ఫోన్ స్క్రీన్ అవసరం లేదు.. కళ్ల ముందే AI టెక్నాలజీ.. Samsung Galaxy Glasses ఎప్పుడు?
Windows Fast Startup వల్ల ఏం జరుగుతుంది?
చాలామంది యూజర్లు ల్యాప్‌టాప్‌లో Shutdown ఆప్షన్ ఎంచుకుంటే సిస్టమ్ పూర్తిగా ఆఫ్ అవుతుందని అనుకుంటారు. అయితే Windowsలో ఉండే Fast Startup ఫీచర్ వల్ల కొన్ని సందర్భాల్లో సిస్టమ్ పూర్తిగా పవర్ ఆఫ్ కాకుండా ఒక రకమైన హైబర్నేట్ స్థితిలోకి వెళ్తుంది.
దీని వల్ల ల్యాప్‌టాప్ త్వరగా స్టార్ట్ అవుతుంది. అయితే కొన్నిసార్లు సిస్టమ్ పనితీరులో సమస్యలు రావచ్చు. కొన్ని అప్‌డేట్‌లు సరిగ్గా ఇన్‌స్టాల్ కాకపోవచ్చు. సిస్టమ్ ఎక్కువసేపు రన్ అవుతున్నట్లుగా కూడా కనిపించవచ్చు.
మీ ల్యాప్‌టాప్ నిజంగా ఎప్పుడు ఆఫ్ అయిందో ఇలా తెలుసుకోండి
మీ ల్యాప్‌టాప్ ఎంతసేపటి నుంచి ఆన్‌లో ఉందో సులభంగా తెలుసుకోవచ్చు.
ముందుగా Control + Shift + Escape నొక్కండి. దీంతో Task Manager ఓపెన్ అవుతుంది. అక్కడ Performance ట్యాబ్‌లోకి వెళ్లాలి.
అక్కడ Uptime అనే విభాగం కనిపిస్తుంది. మీ ల్యాప్‌టాప్ లేదా పీసీ ఎన్ని రోజులు, ఎన్ని గంటల నుంచి రన్ అవుతుందో అక్కడ చూడొచ్చు.
మీరు తరచూ Shutdown చేసినా Uptime మాత్రం చాలా ఎక్కువగా కనిపిస్తే సిస్టమ్ పూర్తిగా పవర్ ఆఫ్ కాకపోయి ఉండొచ్చని అర్థం.
Sleep Mode ఎప్పుడు ఉపయోగించాలి?
ల్యాప్‌టాప్‌లో కొద్దిసేపు పని ఆపుతున్నప్పుడు Sleep Mode ఉపయోగించడం మంచిది.
ఉదాహరణకు పది నిమిషాలు లేదా అరగంట బ్రేక్ తీసుకుంటే Shutdown చేయాల్సిన అవసరం లేదు. Sleep Modeలో ఉంచవచ్చు.
ఈ మోడ్‌లో మీ ఫైల్స్, బ్రౌజర్ ట్యాబ్స్ అలాగే ఉంటాయి. తిరిగి ల్యాప్‌టాప్ ఓపెన్ చేసినప్పుడు పని చేసిన చోటు నుంచే కొనసాగించవచ్చు.
అందుకే పని మధ్యలో చిన్న బ్రేక్ తీసుకుంటున్నప్పుడు Sleep Mode ఉపయోగించడం సౌకర్యంగా ఉంటుంది.
ఎక్కువసేపు పని చేయకపోతే Hibernate
మీరు ల్యాప్‌టాప్‌ను ఎక్కువసేపు ఉపయోగించబోవడం లేదంటే Hibernate Mode ఉపయోగించవచ్చు.
Hibernateలో కూడా మీరు పని ఆపిన చోటు నుంచే తిరిగి పని ప్రారంభించవచ్చు. అయితే Sleep Modeతో పోలిస్తే ఇది ఎక్కువ పవర్‌ను ఆదా చేస్తుంది.
అయితే కొన్ని ల్యాప్‌టాప్‌లలో Hibernate ఆప్షన్ అందుబాటులో ఉండకపోవచ్చు.
ఎప్పుడు Shutdown చేయాలి?
మీ పని మొత్తం పూర్తయింది. ఇక చాలా గంటల పాటు ల్యాప్‌టాప్ అవసరం లేదు. అలాంటి సమయంలో Shutdown చేయడం మంచిది.
ముఖ్యంగా రాత్రి ల్యాప్‌టాప్‌ను ఉపయోగించాల్సిన అవసరం లేకపోతే Shutdown ఆప్షన్ ఉపయోగించవచ్చు.
అలాగే బ్యాటరీ ఛార్జింగ్ తక్కువగా ఉన్నప్పుడు ల్యాప్‌టాప్‌ను Sleep Modeలో ఉంచడం కంటే Shutdown చేయడం మంచిది.
ఈ మూడు ఆప్షన్లను ఇలా గుర్తుంచుకోండి
10 నిమిషాలు నుంచి అరగంట వరకు బ్రేక్: Sleep Mode ఉపయోగించండి.
ఎక్కువసేపు పని చేయరు: Hibernate Mode ఉపయోగించండి.
పని పూర్తయింది, చాలా గంటలు అవసరం లేదు: Shutdown చేయండి.
ల్యాప్‌టాప్ పనితీరు బాగుండాలంటే కేవలం ఎక్కువ స్పెసిఫికేషన్లు ఉన్న డివైజ్ కొనడం మాత్రమే సరిపోదు. దాన్ని సరైన విధంగా ఉపయోగించడం కూడా ముఖ్యం.