అల్లూరి జిల్లా చింతపల్లి మండలం చిన్నగడ్డ గ్రామంలో పెట్రోల్ బంక్ మరియు ప్రైవేట్ పాఠశాలకు పక్కపక్కనే అనుమతులు మంజూరు కావడం వివాదాస్పదంగా మారింది. Bharat Petroleum పెట్రోల్ బంక్ మరియు కింగ్స్ ఆర్మీ ప్రైవేట్ స్కూల్ సమీపంలో ఏర్పాటు చేయడం భద్రతాపరమైన సందేహాలకు దారి తీసింది.
నిబంధనల ప్రకారం ఇలాంటి ప్రదేశాల మధ్య కనీసం 30 మీటర్ల దూరం ఉండాలి. అయితే ఈ నిబంధనలు పాటించారా లేదా అన్న దానిపై స్థానికులు, గిరిజన సంఘాలు ప్రశ్నిస్తున్నారు.గిరిజన సంఘం నాయకులు మాట్లాడుతూ, పాఠశాల దగ్గర పెట్రోల్ బంక్ ఉండటం వల్ల విద్యార్థుల భద్రతకు ముప్పు ఉంటుందని ఆందోళన వ్యక్తం చేశారు. వెంటనే పూర్తి స్థాయి విచారణ జరిపి నిజాలు వెలికి తేయాలని డిమాండ్ చేశారు.అధికారులు మాత్రం అన్ని నిబంధనలు పరిశీలించిన తరువాతే అనుమతులు ఇచ్చినట్లు చెబుతున్నారు. అయినప్పటికీ, స్థానికులు పారదర్శక విచారణకు పట్టుబడుతున్నారు.