2020–2024 మధ్య APSBCL లిక్కర్ రవాణా టెండర్లలో అవకతవకల ఆరోపణలపై విచారణ కొనసాగుతోంది
న్యూఢిల్లీ: ఆంధ్రప్రదేశ్ మాజీ మంత్రి Karumuri Venkata Nageswara కు సుప్రీంకోర్టులో ఎదురుదెబ్బ తగిలింది. ఏపీ లిక్కర్ రవాణా కుంభకోణం కేసులో ముందస్తు బెయిల్ కోరుతూ ఆయన దాఖలు చేసిన పిటిషన్ను సుప్రీంకోర్టు బుధవారం తిరస్కరించింది.
ప్రధాన న్యాయమూర్తి సూర్యకాంత్, న్యాయమూర్తులు జోయ్మాల్య బాగ్చి, వి. మోహనతో కూడిన ధర్మాసనం ఈ కేసును విచారించింది. ఈ సందర్భంగా తెలంగాణ హైకోర్టు ఇచ్చిన ఉత్తర్వులను సుప్రీంకోర్టు సమర్థించింది.
కరుమూరి తరఫు న్యాయవాది వాదనలు వినిపిస్తూ, ఈ కేసుతో తన క్లయింట్కు ఎలాంటి సంబంధం లేదని తెలిపారు. అలాగే ఆయన ఆరోగ్య పరిస్థితిని దృష్టిలో ఉంచుకుని ముందస్తు బెయిల్ మంజూరు చేయాలని కోరారు. అయితే ధర్మాసనం ఆ వాదనలను అంగీకరించకుండా పిటిషన్ను తిరస్కరించింది.
ఇంతకుముందు జూలై 3న తెలంగాణ హైకోర్టు కూడా కరుమూరి వెంకట నాగేశ్వరరావు దాఖలు చేసిన ముందస్తు బెయిల్ పిటిషన్ను కొట్టివేసింది.
ఈ లిక్కర్ రవాణా కేసును ప్రత్యేక Enforcement Case Information Report (ECIR) కింద దర్యాప్తు చేస్తున్నారు. ఇది ప్రధాన ఏపీ లిక్కర్ కుంభకోణం కేసుకు భిన్నమైన కేసు.
2020 నుంచి 2024 మధ్య ఆంధ్రప్రదేశ్ స్టేట్ బేవరేజెస్ కార్పొరేషన్ (APSBCL) నిర్వహించిన లిక్కర్ రవాణా టెండర్ల ప్రక్రియలో అవకతవకలు జరిగాయన్న ఆరోపణల నేపథ్యంలో ఈ కేసు నమోదైంది. ప్రస్తుతం ఈ వ్యవహారంపై దర్యాప్తు కొనసాగుతోంది.