తెలంగాణ బోర్డ్ ఆఫ్ ఇంటర్మీడియట్ ఎడ్యుకేషన్ (TGBIE) 2026-27 విద్యా సంవత్సరానికి సంబంధించి ఇంటర్ ఫస్ట్ ఇయర్ అడ్మిషన్ల షెడ్యూల్ విడుదల అయింది. రాష్ట్రవ్యాప్తంగా ఉన్న అన్ని ప్రభుత్వ, ప్రైవేట్ జూనియర్ కళాశాలల్లో జనరల్, వొకేషనల్ కోర్సులకు జూన్ 1 నుంచి తరగతులు ప్రారంభం కానున్నాయి.
షెడ్యూల్ ప్రకారం, మొదటి విడత అడ్మిషన్ల ప్రక్రియ మే 8వ తేదీ నుంచి ప్రారంభమవుతుంది. మే 31వ తేదీ నాటికి మొదటి విడత అడ్మిషన్ల ప్రక్రియ ముగుస్తుంది. జూన్ 1 నుంచి అధికారికంగా ఇంటర్ ఫస్ట్ ఇయర్ తరగతులు ప్రారంభమవుతాయి. పదవ తరగతి (SSC) ఒరిజినల్ మార్కుల మెమోలు వచ్చే వరకు, ఇంటర్నెట్ నుంచి డౌన్లోడ్ చేసుకున్న మార్కుల మెమోల ఆధారంగా విద్యార్థులకు తాత్కాలిక అడ్మిషన్లు కల్పించాల్సిందిగా కళాశాలల ప్రిన్సిపాల్స్కు బోర్డు సూచించింది.
ప్రతి సెక్షన్లో గరిష్టంగా 88 మంది విద్యార్థులకు మాత్రమే ప్రవేశం కల్పించాలి. ఈ నిబంధనను ఉల్లంఘించే కళాశాలల యాజమాన్యాలపై బోర్డు కఠిన చర్యలు తీసుకుంటుందని హెచ్చరించింది. విద్యార్థులు, తల్లిదండ్రులు అడ్మిషన్లు తీసుకునే ముందు, సదరు కళాశాలకు TGBIE గుర్తింపు ఉందో లేదో బోర్డు అధికారిక వెబ్సైట్ ద్వారా తప్పనిసరిగా తనిఖీ చేసుకోవాలి.