భారతదేశానికి ఏడు టెస్ట్ మ్యాచ్లలో ప్రాతినిధ్యం వహించిన వికెట్ కీపర్-బ్యాటర్ కేఎస్ భరత్, 32 ఏళ్ల వయసులో అంతర్జాతీయ క్రికెట్ నుండి తన రిటైర్మెంట్ను ప్రకటించారు. అంతర్జాతీయ క్రికెట్ నుండి రిటైర్ అవుతున్నట్లు ప్రకటిస్తున్నానని భరత్ సోషల్ మీడియాలో పోస్ట్ చేశారు. భారతదేశానికి ప్రాతినిధ్యం వహించడం తన జీవితంలో లభించిన ‘అత్యున్నత గౌరవం’ అని ఆయన పేర్కొన్నాడు. కీపర్గా భరత్ 12 ఇన్నింగ్స్లలో 20.09 సగటుతో 221 పరుగులు చేశాడు. ఇండియా ‘ఎ’ తరఫున ఆకట్టుకున్న తర్వాత అతను 2023 బోర్డర్-గావస్కర్ ట్రోఫీలో అరంగేట్రం చేశారు. 2023లో అహ్మదాబాద్లో 44 పరుగులతో అత్యధిక స్కోరును నమోదు చేశారు. ఓవల్లో ఆస్ట్రేలియాతో జరిగిన 2023 ప్రపంచ టెస్ట్ ఛాంపియన్షిప్ (WTC) ఫైనల్లో కూడా అతను భారత కీపర్-బ్యాటర్గా ఎంపికయ్యారు.
ఐపీఎల్లో భరత్ రాయల్ ఛాలెంజర్స్ బెంగళూరు (RCB), ఢిల్లీ క్యాపిటల్స్ (DC) తరఫున పది మ్యాచ్లు ఆడి, తొమ్మిది ఇన్నింగ్స్లలో 122.08 స్ట్రైక్ రేట్తో 199 పరుగులు చేశాడు. కోల్కతా నైట్ రైడర్స్ (KKR) తరఫున ఐపీఎల్ 2024ను గెలుచుకున్నాడు. ఆంధ్రప్రదేశ్కు చెందిన ఈ కుడిచేతి వాటం బ్యాటర్, 2023లో ఆస్ట్రేలియాపై నాగపూర్లో టెస్ట్ అరంగేట్రం చేశాడు. ఆయన తన చివరి అంతర్జాతీయ టెస్ట్ మ్యాచ్ను ఇంగ్లాండ్పై స్వంత గడ్డ అయిన వైజాగ్లో ఆడాడు.