భారత కార్పొరేట్ రంగంలో పారదర్శకతను పెంపొందించేందుకు కేంద్ర ఆర్థిక మంత్రి నిర్మలా సీతారామన్ ‘కార్పొరేట్ చట్టం (సవరణ) బిల్లు 2026’ను పార్లమెంటులో ప్రవేశపెట్టనున్నారు. ఈ బిల్లు ద్వారా పాత నిబంధనలను తొలగించి, ఆధునిక వ్యాపార అవసరాలకు అనుగుణంగా మార్పులు చేయనున్నారు.
ప్రత్యేకంగా స్టార్టప్లు, MSMEలకు ఊరటనిచ్చే విధంగా పలు నిబంధనలను సరళతరం చేశారు. చిన్నపాటి తప్పులను క్రిమినల్ నేరాలుగా కాకుండా జరిమానాలతో పరిష్కరించే డీక్రిమినలైజేషన్ విధానాన్ని ప్రవేశపెట్టడం ముఖ్యాంశంగా నిలుస్తోంది.కంపెనీల పాలనలో పారదర్శకత, జవాబుదారీతనం పెంచడంతో పాటు విదేశీ పెట్టుబడులను ఆకర్షించడం లక్ష్యంగా ఈ బిల్లు రూపొందించారు. డిజిటల్ రిపోర్టింగ్, ఈ-గవర్నెన్స్కు ప్రాధాన్యత ఇవ్వడం ద్వారా వ్యాపార నిర్వహణను మరింత సులభతరం చేయనున్నారు.ఈ బిల్లు ఆమోదం పొందితే భారతదేశంలో వ్యాపార వాతావరణం మరింత మెరుగుపడే అవకాశం ఉందని నిపుణులు అభిప్రాయపడుతున్నారు.