ఇండిపెండెంట్ ఎంపీ Rajesh Ranjan (Pappu Yadav) చేసిన వివాదాస్పద వ్యాఖ్యలు దేశవ్యాప్తంగా రాజకీయ దుమారం రేపుతున్నాయి. మహిళల రాజకీయ ప్రవేశంపై ఆయన చేసిన వ్యాఖ్యలు తీవ్ర విమర్శలకు దారి తీసాయి.
మీడియాతో మాట్లాడిన పప్పు యాదవ్, దేశంలో మహిళల భద్రత పట్ల నిర్లక్ష్యం జరుగుతోందని ఆరోపించారు. లైంగిక వేధింపుల కేసుల్లో రాజకీయ నాయకుల పాత్ర ఉందని పేర్కొన్నారు. ఈ సందర్భంగా అస్సాం ముఖ్యమంత్రి Himanta Biswa Sarma సహా పలువురు నాయకులను లక్ష్యంగా చేసుకుని విమర్శలు గుప్పించారు.అయితే, “మహిళల రాజకీయ జీవితం నాయకుల పడకగదుల నుంచే మొదలవుతుంది” అనే వ్యాఖ్య తీవ్ర వివాదానికి దారి తీసింది. ఈ వ్యాఖ్యలపై మహిళా సంఘాలు, రాజకీయ పార్టీలు తీవ్ర ఆగ్రహం వ్యక్తం చేస్తున్నాయి.పప్పు యాదవ్ వ్యాఖ్యలను ఖండిస్తూ పలు వర్గాలు క్షమాపణ చెప్పాలని డిమాండ్ చేస్తున్నాయి. ప్రస్తుతం ఈ అంశం దేశవ్యాప్తంగా హాట్ టాపిక్గా మారింది.