యూరప్లో త్వరలో సంతకాలు జరుగుతాయన్న అమెరికా అధ్యక్షుడు
ఇరాన్ నుంచి మాత్రం ఇప్పటి వరకు లేని అధికాారిక ధృవీకరణ
వాషింగ్టన్: మధ్యప్రాచ్యంలో కొనసాగుతున్న యుద్ధానికి ముగింపు పలికేలా ఇరాన్తో “గొప్ప ఒప్పందం” కుదిరిందని అమెరికా అధ్యక్షుడు డొనాల్డ్ ట్రంప్ గురువారం ప్రకటించారు.
రాబోయే కొద్ది రోజుల్లో యూరప్లో ఈ ఒప్పందంపై సంతకాలు జరుగుతాయని ఆశిస్తున్నట్లు చెప్పారు.
తాజా దాడులు చేపడతామని కొద్ది గంటల ముందే హెచ్చరించిన ట్రంప్, అనంతరం ఒప్పందం దిశగా పురోగతి కనిపిస్తోందని చెబుతూ ఆ దాడులను నిలిపివేస్తున్నట్లు వెల్లడించారు. అయితే ఈ ప్రకటనపై ఇరాన్ నుంచి ఎలాంటి అధికారిక ధృవీకరణ రాలేదు.
వైట్హౌస్లోని ఓవల్ కార్యాలయంలో విలేకరులతో మాట్లాడిన ట్రంప్, “ఇరాన్తో యుద్ధానికి ముగింపు పలికే గొప్ప ఒప్పందం కుదిరింది” అని చెప్పారు.
ఇరాన్, అమెరికా గత ఏడాది అక్టోబర్లో వారాల తరబడి కొనసాగిన ఘర్షణల అనంతరం కాల్పుల విరమణకు అంగీకరించాయి.
పాకిస్థాన్ దాడుల్లో చిన్నారులు సహా 13 మంది మృతి
ఉగ్ర ఘటనలకు ప్రతిస్పందనగా చర్యలు చేపట్టామని పాకిస్థాన్
పాకిస్థాన్ సమాచార మంత్రి అతౌల్లా తరార్ బుధవారం మాట్లాడుతూ, దేశంలో ఇటీవల జరిగిన ఉగ్రవాద ఘటనలకు ప్రతిస్పందనగా సరిహద్దు సమీపంలోని స్థావరాలపై దాడులు చేపట్టినట్లు చెప్పారు. శిక్షణ కేంద్రం, మందుగుండు సామగ్రి నిల్వ కేంద్రాలను లక్ష్యంగా చేసుకున్నామని వెల్లడించారు.
పెషావర్ సమీపంలో భద్రతా బలగాలపై జరిగిన దాడిలో కనీసం ఆరుగురు అధికారులు మరణించిన మరుసటి రోజే ఈ వైమానిక దాడులు జరిగాయి.
“ప్రాంతంలో శాంతి, స్థిరత్వం కొనసాగేందుకు పాకిస్థాన్ ఎప్పుడూ కట్టుబడి ఉంది. అదే సమయంలో మా పౌరుల భద్రతకు అత్యంత ప్రాధాన్యం ఇస్తాం” అని తరార్ చెప్పారు.
ఇదిలా ఉండగా, తాలిబాన్ ప్రభుత్వ ప్రతినిధి జబీహుల్లా ముజాహిద్ మాట్లాడుతూ, కునార్, ఖోస్ట్, పక్తికా ప్రావిన్సుల్లో పాకిస్థాన్ జరిపిన దాడుల్లో 11 మంది చిన్నారులు, ఒక మహిళ, ఒక వృద్ధుడు మరణించారని తెలిపారు.
అదే దాడుల్లో 14 మంది మహిళలు, చిన్నారులు గాయపడినట్లు చెప్పారు.
తమ భూభాగాన్ని ఇతర దేశాలకు ముప్పు కలిగించే కార్యకలాపాలకు వినియోగించనివ్వబోమని అఫ్గానిస్తాన్ పలుమార్లు స్పష్టం చేసింది.
ఫిబ్రవరి చివర్లో అఫ్గానిస్తాన్ తాలిబాన్ ప్రభుత్వం సరిహద్దు సమీపంలోని పాకిస్థాన్ సైనిక స్థావరాలపై దాడులు చేపట్టింది. దానికి ప్రతిగా పాకిస్థాన్ కాబూల్తో పాటు కందహార్, పక్తికా ప్రావిన్సుల్లో లక్ష్యాలపై బాంబుదాడులు చేసింది. ఈ ప్రాంతాలు పాకిస్థాన్తో ఉన్న 2,600 కిలోమీటర్ల సరిహద్దుకు సమీపంలో ఉన్నాయి.
మార్చి 16న కాబూల్లోని ఒమిద్ మాదకద్రవ్యాల పునరావాస ఆసుపత్రిపై పాకిస్థాన్ వైమానిక దాడి జరిగింది. ఐక్యరాజ్యసమితి నివేదిక ప్రకారం కనీసం 269 మంది మరణించారు.
ఇటీవలి అఫ్గానిస్తాన్ చరిత్రలో ఇది అత్యంత ప్రాణనష్టం కలిగించిన ఒక్క ఘటనగా నమోదైంది. తాలిబాన్, నాటో బలగాలు, అఫ్గాన్ రిపబ్లిక్ దళాల మధ్య రెండు దశాబ్దాలపాటు సాగిన యుద్ధ కాలాన్ని కూడా ఇది అధిగమించింది.
ALSO READ