SV University లో ఐ, జీ బ్లాక్ల మధ్య కనిపించిన చిరుత
Thirupathi: తిరుపతిలోని SV University లో చిరుత సంచారం కలకలం రేపింది. ఐ, జీ బ్లాక్ల మధ్య చిరుతను గుర్తించిన విద్యార్థులు వెంటనే అటవీ శాఖ అధికారులకు సమాచారం ఇచ్చారు. క్యాంపస్లో చిరుత కనిపించడంతో విద్యార్థులు భయాందోళనలకు గురయ్యారు.
అధికారులు చేరుకునేలోపు అడవిలోకి
సమాచారం అందుకున్న అటవీ శాఖ అధికారులు అక్కడికి చేరుకునేలోపు చిరుత సమీప అడవిలోకి వెళ్లిపోయింది. ఇటీవల యూనివర్సిటీ పరిసరాల్లో సంచరిస్తున్న మూడు చిరుతలను బంధించిన అధికారులు వాటిని అడవిలో వదిలిపెట్టారు. తాజాగా మరోసారి చిరుత జాడ కనిపించడంతో విద్యార్థుల్లో ఆందోళన నెలకొంది. క్యాంపస్లో భద్రత చర్యలు మరింత పెంచాలని వారు కోరుతున్నారు.
యూనివర్సిటీ పరిసర ప్రాంతాల్లో అడవి జంతువుల సంచారం తరచూ కనిపిస్తున్నా, విద్యార్థుల నివాస ప్రాంతాలకు చేరుకోవడం ఆందోళన కలిగిస్తోంది. చిరుత కనిపించిన సమాచారం క్యాంపస్ అంతటా వేగంగా వ్యాపించింది.
ఘటన తర్వాత విద్యార్థులు గుంపులుగా మాత్రమే సంచరించాలని యూనివర్సిటీ వర్గాలు సూచించినట్లు సమాచారం. ముఖ్యంగా సాయంత్రం, రాత్రి వేళల్లో అప్రమత్తంగా ఉండాలని సూచిస్తున్నారు. చిరుత ఆనవాళ్ల కోసం అటవీ శాఖ సిబ్బంది పరిసర ప్రాంతాల్లో గాలింపు చేపట్టారు. అవసరమైతే కెమెరా ట్రాప్లు ఏర్పాటు చేసి పర్యవేక్షణ పెంచనున్నట్లు తెలుస్తోంది.
Also read,