జులై 2027లో ప్రారంభమయ్యే TGC-145 కోర్సులో 30 పోస్టులు.. అక్టోబరు 29 వరకు దరఖాస్తుల స్వీకరణ
ముఖ్యాంశాలు
- ఇండియన్ ఆర్మీ TGC-145లో మొత్తం 30 పోస్టుల భర్తీ.
- బీఈ/బీటెక్, ఎంఎస్సీ కంప్యూటర్ సైన్స్ అర్హత ఉన్న అవివాహిత పురుషులు దరఖాస్తు చేసుకోవచ్చు.
- ఎంపికైన వారికి రూ.56,100 నుంచి రూ.1,77,500 వరకు నెల జీతం లభిస్తుంది.
విభాగాల వారీగా పోస్టులు
దేహ్రాదూన్‌లోని ఇండియన్ మిలిటరీ అకాడమీలో జులై 2027లో ప్రారంభమయ్యే 145వ టెక్నికల్ గ్రాడ్యుయేట్ కోర్సు (TGC-145)లో ప్రవేశానికి ఇండియన్ ఆర్మీ దరఖాస్తులు ఆహ్వానిస్తోంది. అర్హత ఉన్న అవివాహిత పురుష అభ్యర్థులు ఈ పోస్టులకు దరఖాస్తు చేసుకోవచ్చు. దరఖాస్తులను 2026 సెప్టెంబరు 30 నుంచి అక్టోబరు 29 వరకు ఆన్‌లైన్‌లో స్వీకరిస్తారు.
- సివిల్ ఇంజినీరింగ్: 8 పోస్టులు
- కంప్యూటర్ సైన్స్: 6 పోస్టులు
- ఎలక్ట్రికల్: 2 పోస్టులు
- ఎలక్ట్రానిక్స్: 6 పోస్టులు
- మెకానికల్: 6 పోస్టులు
- ఇతర ఇంజినీరింగ్ స్ట్రీమ్స్: 2 పోస్టులు
అర్హతలు ఇవే..
సంబంధిత ఇంజినీరింగ్ విభాగంలో బీఈ/బీటెక్ లేదా ఎంఎస్సీ కంప్యూటర్ సైన్స్ ఉత్తీర్ణులైన అభ్యర్థులు దరఖాస్తు చేసుకోవచ్చు. ఇంజినీరింగ్ డిగ్రీ చివరి సంవత్సరం చదువుతున్నవారు కూడా అప్లై చేసుకోవచ్చు. అయితే 2027 జులై 1 నాటికి తమ డిగ్రీ లేదా మార్కుల మెమోలను సమర్పించాల్సి ఉంటుంది.
2027 జులై 1 నాటికి అభ్యర్థుల వయసు 20 నుంచి 27 సంవత్సరాల మధ్య ఉండాలి. అంటే 2000 జులై 1 కంటే ముందు, 2007 జూన్ 30 తర్వాత జన్మించిన వారు ఈ పోస్టులకు అర్హులు కాదు.
ఎంపిక ప్రక్రియ, జీతం
అభ్యర్థుల దరఖాస్తులను షార్ట్‌లిస్ట్ చేసిన తర్వాత తదుపరి ఎంపిక ప్రక్రియ ఉంటుంది. ఇందులో స్టేజ్-1, స్టేజ్-2 పరీక్షలు, ఎస్‌ఎస్‌బీ ఇంటర్వ్యూ, డాక్యుమెంట్ వెరిఫికేషన్, మెడికల్ ఎగ్జామినేషన్ ఉంటాయి.
ఎంపికైన అభ్యర్థులకు నెలకు రూ.56,100 నుంచి రూ.1,77,500 వరకు జీతం లభిస్తుంది. అర్హత ఉన్న అభ్యర్థులు చివరి తేదీ వరకు వేచి ఉండకుండా నిర్ణీత గడువులోగా ఆన్‌లైన్‌లో దరఖాస్తు చేసుకోవాలని అధికారులు సూచించారు.