వర్షిణి పవర్‌తో మారిన ఆట
బిగ్ బాస్ ఇంట్లో ఎప్పుడు ఏం జరుగుతుందో ఎవరికీ అర్థం కాదు. శుక్రవారం ఎపిసోడ్‌లో కూడా అలాంటి ట్విస్ట్‌నే కనిపించింది. కెప్టెన్సీ టాస్క్‌లో గెలిచిన అమన్‌కు చివరి నిమిషంలో భారీ షాక్ తగిలింది. వర్షిణి తనకు ఉన్న Grab Any Win పవర్‌ను ఉపయోగించింది. దీంతో అమన్ గెలుచుకున్న కెప్టెన్సీ ఆమె సొంతమైంది.
రెడ్ టీంలో కెప్టెన్సీ కంటెండర్లపై చర్చ
రెడ్ టీం నుంచి ఐదుగురు మాత్రమే కెప్టెన్సీ కంటెండర్లుగా ఉండాలని బిగ్ బాస్ చెప్పారు. దీంతో టీం సభ్యుల మధ్య చర్చ మొదలైంది.
డ్యాగర్స్ ఉన్నవాళ్లు వాటిని ఇచ్చి కెప్టెన్సీ కంటెండర్లుగా ఉండాలా? లేక డ్యాగర్స్‌ను తమ దగ్గరే ఉంచుకోవాలా? అనే విషయంపై మాట్లాడుకున్నారు.
కొందరు డ్యాగర్స్‌ను కాపాడుకోవాలని చూశారు. మరికొందరు కెప్టెన్సీ కంటెండర్‌గా అవకాశం వస్తే చాలని భావించారు.
రోహిత్ మాత్రం అమన్ నిర్ణయాలపై ప్రశ్నలు లేవనెత్తాడు. అమన్ ఇతరుల మాటలకు త్వరగా ప్రభావితమవుతున్నాడని చెప్పాడు.
అమన్‌కు సుధీర్‌తో డీల్
సుధీర్, వర్షిణి, ముఖేష్ చెప్పిన డీల్‌కు అమన్ మొదట అంగీకరించాడు. రెండు డ్యాగర్స్ ఇస్తే తనకు కెప్టెన్సీ కంటెండర్ ప్లేస్ ఇస్తారని భావించాడు.
అయితే రోహిత్, షాలినీ, అపూర్వ అమన్‌తో మాట్లాడారు. కనీసం ఒక డ్యాగర్ అయినా దగ్గర ఉంచుకోవాలని సూచించారు.
దీంతో అమన్ మళ్లీ సుధీర్, ముఖేష్‌తో మాట్లాడాడు. కష్టమైన సమయంలో తనకు ఒక డ్యాగర్ ఇస్తారా అని అడిగాడు. దీనిపై సుధీర్ మాత్రం ఆలోచిస్తానని చెప్పాడు.
కెప్టెన్సీ టాస్క్‌లో అమన్ దూకుడు
వర్షిణి, ఝాన్సీ, రాం ప్రసాద్, అపూర్వ, అమన్ కెప్టెన్సీ టాస్క్‌లో పాల్గొన్నారు. ఈ టాస్క్ మూడు దశల్లో జరుగుతుందని బిగ్ బాస్ చెప్పారు.
షాలినీ, సుధీర్ సంచాలకులుగా వ్యవహరించారు.
మొదటి రౌండ్‌లో అపూర్వ, వర్షిణి ఆగిపోయారు. రెండో రౌండ్‌లో రాం ప్రసాద్ ఆగిపోయాడు. చివరి రౌండ్‌లో అమన్, ఝాన్సీ మిగిలారు.
అమన్ మొదటి నుంచే వేగంగా టాస్క్ పూర్తి చేస్తూ వచ్చాడు. చివరకు టాస్క్‌లో అమన్ విజయం సాధించాడు.
అందరూ అమన్ కెప్టెన్ అవుతాడని అనుకున్న సమయంలో వర్షిణి తన పవర్‌ను ఉపయోగిస్తానని చెప్పింది.
Grab Any Win పవర్‌తో అమన్‌కు షాక్
వర్షిణి Grab Any Win పవర్‌ను ఉపయోగించింది. దీంతో అమన్ గెలిచిన కెప్టెన్సీ ఆమెకు దక్కింది.
ఈ వారం బిగ్ బాస్ ఇంటికి వర్షిణి కెప్టెన్‌గా నిలిచింది.
అమన్‌కు సారీ చెప్పిన వర్షిణి.. ఈ వారం తనకు చాలా ముఖ్యమని చెప్పింది. అందుకే ఈ నిర్ణయం తీసుకున్నట్లు వివరించింది.
వర్షిణి నిర్ణయంతో అగ్నిపరీక్ష టీం సభ్యులు షాక్‌కు గురయ్యారు.
డ్యాగర్స్‌తో ఇమ్యూనిటీ ఛాన్స్
ఆ తర్వాత డ్యాగర్స్ ఉన్నవాళ్లే ఇమ్యూనిటీ ఛాలెంజ్‌లో పాల్గొనే అవకాశం ఉంటుందని బిగ్ బాస్ చెప్పారు.
సుధీర్ వద్ద 5 డ్యాగర్స్, శ్రిష్టి వద్ద 3 డ్యాగర్స్, వంశీ వద్ద 6 డ్యాగర్స్ ఉన్నట్లు తెలిపారు.
ఒక డ్యాగర్ ఉంటే ఇమ్యూనిటీ ఛాలెంజ్‌లో పాల్గొనే అవకాశం ఉంటుంది. రెండు డ్యాగర్స్ ఉంటే ఎవరికి ఇమ్యూనిటీ రావాలో నిర్ణయించే అధికారం ఉంటుందని బిగ్ బాస్ వివరించారు.
దీంతో రోహిత్, షాలినీ, అమన్ సహా పలువురు డ్యాగర్స్ కోసం ప్రయత్నించారు.
వంశీ, సుధీర్‌కు ఇమ్యూనిటీ
చివరకు సుధీర్ వద్ద 3 డ్యాగర్స్, శ్రిష్టి వద్ద 2 డ్యాగర్స్, వంశీ వద్ద 5 డ్యాగర్స్ మిగిలాయి. అమన్, రోహిత్ వద్ద ఒక్కో డ్యాగర్ ఉంది.
శ్రిష్టి ముందుగా వంశీని తీసి తన ఫొటోను పెట్టుకుంది. తనకే ఇమ్యూనిటీ రావాలని ఆమె కోరుకుంది.
అయితే సుధీర్ వచ్చి శ్రిష్టిని పక్కన పెట్టి వంశీకి ఇమ్యూనిటీ ఇచ్చాడు.
మరోవైపు ఝాన్సీ త్రిగుణ్‌కు ఇమ్యూనిటీ వద్దని చెప్పింది. వంశీ కూడా చరణ్‌కు ఇమ్యూనిటీ వద్దని చెప్పాడు.
చివరకు వంశీ, సుధీర్‌లకు ఇమ్యూనిటీ దక్కింది. దీంతో వారిద్దరూ నేరుగా ఆరో వారంలోకి వెళ్లారు.
ఈ విషయాన్ని బిగ్ బాస్ అధికారికంగా ప్రకటించారు. వంశీ, సుధీర్ ఆరో వారంలోకి వెళ్లడంతో త్రిగుణ్, ముఖేష్‌తో పాటు వారి గ్యాంగ్ సభ్యులు ఆనందం వ్యక్తం చేశారు.