కోనసీమ జిల్లా కేంద్రం అమలాపురంలో వైఎస్సార్ కాంగ్రెస్ పార్టీ జిల్లా సంస్థగత నిర్మాణ సమావేశం అట్టహాసంగా ప్రారంభమైంది. పార్టీని క్షేత్రస్థాయి నుంచి బలోపేతం చేయడం మరియు రానున్న రాజకీయ సవాళ్లను ఎదుర్కోవడం లక్ష్యంగా ఈ కీలక భేటీ నిర్వహించారు.
గ్రామ స్థాయి నుండి జిల్లా స్థాయి వరకు కమిటీల పునర్నిర్మాణంపై నేతలు చర్చించారు. పార్టీ జెండా మోసిన ప్రతి కార్యకర్తకు సముచిత స్థానం కల్పిస్తామని హామీ ఇచ్చారు. పార్టీ కష్టకాలంలో ఉన్నప్పుడు అండగా నిలిచిన కేడర్కు తోడుగా ఉంటామని, ప్రజా సమస్యలపై పోరాటాలను ఉధృతం చేస్తామని ముఖ్య నేతలు స్పష్టం చేశారు. నియోజకవర్గాల వారీగా ఇన్ఛార్జులు, అనుబంధ విభాగాల నేతలు సమన్వయంతో పనిచేయాలని దిశానిర్దేశం చేశారు.