నల్లగొండ జిల్లాలో మహర్షి భగీరథ జయంతి వేడుకలు ఘనంగా నిర్వహించబడ్డాయి. జిల్లా కలెక్టర్ బి. చంద్రశేఖర్ కలెక్టరేట్లో జరిగిన కార్యక్రమంలో పాల్గొని భగీరథ మహర్షి చిత్రపటానికి పూలమాల వేసి నివాళులర్పించారు.
ఈ సందర్భంగా ఆయన మాట్లాడుతూ, గంగను భూమికి తీసుకువచ్చిన మహనీయుడు భగీరథ అని, ఆయన జీవితం పట్టుదల మరియు కృషికి ప్రతీకగా నిలిచిందన్నారు. ఎన్నో కష్టాలు ఎదురైనా లక్ష్య సాధన కోసం నిరంతరం ప్రయత్నించాలనే సందేశాన్ని భగీరథ మహర్షి అందించారని తెలిపారు.భవిష్యత్ తరాలకు ఆయన స్ఫూర్తిని చేరవేయాల్సిన అవసరం ఉందని, ప్రతి ఒక్కరూ ఆయనను ఆదర్శంగా తీసుకుని జీవితంలో ముందుకు సాగాలని కలెక్టర్ సూచించారు.
