జిల్లా TDP నూతన అధ్యక్షుడిగా చదిపిరాల భూపేష్ సుబ్బరామిరెడ్డి, జిల్లా నూతన కార్యవర్గ సభ్యులు శనివారం (ఫిబ్రవరి 7, 2026) ఘనంగా ప్రమాణ స్వీకారం చేశారు. కడప నగరంలోని నూతన జిల్లా టీడీపీ కార్యాలయ ప్రాంగణంలో ఈ వేడుక అత్యంత వైభవంగా జరిగింది.
జిల్లా ఇంచార్జ్ మంత్రి సవిత, టీడీపీ పొలిట్ బ్యూరో సభ్యులు శ్రీనివాసులరెడ్డి సమక్షంలో భూపేష్ రెడ్డి మరియు కార్యవర్గ సభ్యులు ప్రమాణం చేశారు. ఈ కార్యక్రమంలో మైదుకూరు ఎమ్మెల్యే పుట్టా సుధాకర్ యాదవ్, జిల్లాలోని ఇతర ఎమ్మెల్యేలు, కీలక నేతలు మరియు భారీ సంఖ్యలో కార్యకర్తలు పాల్గొన్నారు. జిల్లాలో పార్టీని మరింత బలోపేతం చేసి, ప్రజా సమస్యలపై నిరంతరం పోరాడుతామని, కూటమి ప్రభుత్వం అందిస్తున్న సంక్షేమ పథకాలను ప్రజల్లోకి తీసుకెళ్తామని భూపేష్ రెడ్డి ఈ సందర్భంగా స్పష్టం చేశారు. సీనియర్ల అనుభవం, యువత ఉత్సాహంతో జిల్లాలో పార్టీని అజేయ శక్తిగా తీర్చిదిద్దుతామని నేతలు ఆశాభావం వ్యక్తం చేశారు.ఈ ప్రమాణ స్వీకార కార్యక్రమంతో కడప జిల్లా టీడీపీ శ్రేణుల్లో నూతనోత్సాహం నెలకొంది.
