వికలాంగులకు మరియు పేదలకు అండగా నిలుస్తున్న తిరుపతిలోని ప్రముఖ ఆర్థోపెడిక్ సంస్థ బర్డ్ (BIRRD) ఆసుపత్రికి విజయవాడకు చెందిన బ్రహ్మ ఋషి హోమ్స్ సంస్థ రూ. 2.5 లక్షల ఆర్థిక సహాయాన్ని అందించింది.
బ్రహ్మ ఋషి హోమ్స్ డైరెక్టర్ సాహితి యార్లగడ్డ, TTD E.O అనిల్ కుమార్ సింఘాల్ను కలిసి రూ. 2.5 లక్షల చెక్కును అందజేశారు. బర్డ్ ఆసుపత్రిలో ఉచితంగా నిర్వహిస్తున్న ఆర్థోపెడిక్ ఆపరేషన్లు, పునరావాస కార్యక్రమాల కోసం ఈ మొత్తాన్ని వినియోగించనున్నారు.సమాజానికి తిరిగి ఇవ్వడం తమ సంస్థ ప్రధాన ఉద్దేశమని, వికలాంగులకు చలనం మరియు గౌరవాన్ని అందించే బర్డ్ వంటి సంస్థలకు మద్దతు ఇవ్వడం తమ బాధ్యత అని సాహితి యార్లగడ్డ పేర్కొన్నారు. ఈ విరాళాన్ని అభినందిస్తూ బర్డ్ ఆసుపత్రి డైరెక్టర్ డాక్టర్ గూడూరు జగదీష్ కృతజ్ఞతలు తెలిపారు. దాతల సహకారం వల్ల వేలాది మంది పేద రోగులకు ఉచిత సేవలు మరింత మెరుగ్గా అందుతాయని ఆయన అన్నారు.