తెలంగాణ రాజకీయాల్లో అనూహ్య మలుపు చోటుచేసుకుంది. బీఆర్ఎస్ అధినేత కేసీఆర్ కుమార్తె, మాజీ ఎంపీ కల్వకుంట్ల కవిత తన సొంత రాజకీయ పార్టీని ప్రకటించి సంచలనం సృష్టించారు. గురువారం తన అనుచరులతో నిర్వహించిన కీలక భేటీలో ‘తెలంగాణ జాగృతి పార్టీ’ (TJP) ఆవిర్భావాన్ని ఆమె వెల్లడించారు.
చట్టసభల్లో మహిళలకు 33% రిజర్వేషన్లు, మహిళా సాధికారతే లక్ష్యంగా పార్టీ పని చేస్తుందని కవిత తెలిపారు.తెలంగాణ సంస్కృతిని కాపాడుతూనే, రాష్ట్ర హక్కుల కోసం రాజీలేని పోరాటం చేస్తామని స్పష్టం చేశారు.
బీఆర్ఎస్ జాతీయ రాజకీయాల వైపు వెళ్లిన క్రమంలో, రాష్ట్రంలో ప్రాంతీయ బలాన్ని పెంచేందుకే ఈ నిర్ణయం తీసుకున్నట్లు రాజకీయ విశ్లేషకులు భావిస్తున్నారు. వచ్చే నెలలో హైదరాబాద్ పరేడ్ గ్రౌండ్స్లో నిర్వహించే భారీ సభలో పార్టీ జెండా, గుర్తు మరియు పూర్తి విధివిధానాలను ప్రకటించనున్నారు.ఈ పరిణామంతో అటు కాంగ్రెస్, ఇటు బీజేపీ వర్గాల్లో కొత్త చర్చ మొదలైంది. ఉత్తర తెలంగాణలో కవితకు ఉన్న నెట్వర్క్ ఈ కొత్త పార్టీకి ప్రధాన బలంగా మారనుంది.