జోక‌ట్టేలోని ఎంఆర్పీఎల్ కాంప్లెక్స్‌లో పేలుడు
క‌ర్ణాట‌క‌లోని మంగ‌ళూరులో బుధ‌వారం భారీ పేలుడు సంభ‌వించింది. జోక‌ట్టే గ్రామ ప‌రిధిలో ఉన్న మంగ‌ళూరు రిఫైన‌రీ అండ్ పెట్రోకెమిక‌ల్స్ లిమిటెడ్ (ఎంఆర్పీఎల్) కాంప్లెక్స్‌లో ఈ ఘ‌ట‌న జ‌రిగింది.
రిఫైన‌రీలో పేలుడు చోటుచేసుకోవ‌డంతో చుట్టుప‌క్క‌ల ప్రాంతాల్లో ఒక్క‌సారిగా ఆందోళ‌న నెల‌కొంది.
ఈ పేలుడు ఘ‌ట‌న‌లో మొత్తం ఎనిమిది మంది గాయ‌ప‌డ్డారు. గాయ‌ప‌డిన వారిలో ఒక‌రికి 35 శాతం కాలిన గాయాలైన‌ట్లు ఎంఆర్పీఎల్ సంస్థ వెల్ల‌డించింది. గాయ‌ప‌డిన వారిని వెంట‌నే ఆస్ప‌త్రికి త‌ర‌లించారు.
వారికి చికిత్స అందిస్తున్న‌ట్లు అధికారులు తెలిపారు.పేలుడు త‌ర్వాత రిఫైన‌రీ ప్రాంతంలో భారీగా పొగ వ్యాపించింది. కొన్ని కిలోమీట‌ర్ల మేర పొగ క‌నిపించింది. చాలా దూరం నుంచి కూడా పొగ స్ప‌ష్టంగా క‌నిపించింద‌ని స్థానికులు తెలిపారు.
చుట్టుప‌క్క‌ల భ‌వ‌నాల్లో కంప‌నాలు
పేలుడు ప్ర‌భావం రిఫైన‌రీ చుట్టుప‌క్క‌ల ప్రాంతాల‌పై కూడా ప‌డింది. పేలుడు ధాటికి రిఫైన‌రీ చుట్టూ ఉన్న కొన్ని బిల్డింగులు, నివాసాలు కంపించాయి.
దీంతో స్థానికులు తీవ్ర ఆందోళ‌న‌కు గుర‌య్యారు.పేలుడు శ‌బ్దం, ఆ త‌ర్వాత వ్యాపించిన పొగతో రిఫైన‌రీ ప‌రిస‌రాల్లో ఉద్రిక్త వాతావ‌ర‌ణం నెల‌కొంది.
ఘ‌ట‌న‌కు సంబంధించిన పూర్తి వివ‌రాలు ఇంకా వెల్ల‌డికాలేదు.పేలుడు జ‌రిగిన వెంట‌నే ఫైర్ సిబ్బంది అక్క‌డికి చేరుకున్నారు.
స‌హాయ‌క బృందాలు కూడా ఘ‌ట‌నా స్థ‌లానికి చేరుకున్నాయి. పోలీసులు కూడా వెంట‌నే అక్క‌డికి చేరుకుని ప‌రిస్థితిని ప‌ర్య‌వేక్షించారు.
మంగ‌ళూరు ఎయిర్‌పోర్టులోనూ అల‌ర్ట్
రిఫైన‌రీలో పేలుడు ప్ర‌భావం మంగ‌ళూరు ఇంట‌ర్నేష‌న‌ల్ ఎయిర్‌పోర్టుపై కూడా ప‌డింది. బాజ్పే ప‌రిధిలో ఉన్న ఎయిర్‌పోర్టులోని ప‌లు కిటికీ అద్దాలు ధ్వంస‌మ‌య్యాయి.
కిటికీ అద్దాలు ధ్వంసం కావ‌డంతో ఎయిర్‌పోర్టులో ఉన్న ప్ర‌యాణికులు, సిబ్బంది ఆందోళ‌న‌కు గుర‌య్యారు. ఈ ఘ‌ట‌న నేప‌థ్యంలో ఎయిర్‌పోర్టులో అధికారులు అల‌ర్ట్ ప్ర‌క‌టించారు.
ఉన్న‌తాధికారులు ఎయిర్‌పోర్టును త‌నిఖీ చేశారు. ప‌రిస్థితిని అధికారులు స‌మీక్షించారు. ఎయిర్‌పోర్టు ప‌రిస‌రాల్లోనూ భ‌ద్ర‌తా చ‌ర్య‌లు చేప‌ట్టారు.
ఘ‌ట‌నాస్థ‌లంలో కొన‌సాగుతున్న స‌హాయ‌క చ‌ర్య‌లు
పేలుడు గురించి స‌మాచారం అందిన వెంట‌నే అగ్నిమాప‌క యంత్రాల‌ను మోహ‌రించారు. అంబులెన్సుల‌ను కూడా ఘ‌ట‌నాస్థ‌లానికి త‌ర‌లించారు.
ఫైర్ సిబ్బంది, పోలీసులు, స‌హాయ‌క బృందాలు క‌లిసి చ‌ర్య‌లు చేప‌ట్టాయి. గాయ‌ప‌డిన వారిని గుర్తించి ఆస్ప‌త్రికి త‌ర‌లించారు.
ప్ర‌స్తుతం స‌హాయ‌క చ‌ర్య‌లు కొన‌సాగుతున్నాయ‌ని అధికారులు తెలిపారు. ఘ‌ట‌న‌కు సంబంధించిన పూర్తి వివ‌రాల‌ను త‌ర్వాత వెల్ల‌డిస్తామ‌ని ప్ర‌క‌టించారు.