ప్రమాదంలో తీవ్ర గాయం.. పేగులు బయటకు వచ్చినా భయపడని Chinnu
- ఒడిశాలోని గంజాం జిల్లాలో ఘటన
- బయటకు వచ్చిన పేగులను షర్టుతో కట్టుకుని ఇంటికి చేరుకున్న బాలుడు
- సకాలంలో చికిత్స అందడంతో ప్రస్తుతం ఆరోగ్యం నిలకడగా ఉంది
బైక్పై ఆరోగ్య కేంద్రానికి.. అక్కడి నుంచి ఆసుపత్రికి
కుటుంబ సభ్యులు చిన్నును సుమారు 10 కిలోమీటర్ల దూరంలోని బడగడ ఆరోగ్య కేంద్రానికి ద్విచక్ర వాహనంపై తీసుకెళ్లారు.
అక్కడ ప్రాథమిక చికిత్స అనంతరం బ్రహ్మపురలోని ఎమ్కేసీజీ ఆసుపత్రికి అంబులెన్స్లో తరలించారు.
నాలుగు గంటలపాటు చికిత్స.. గంటన్నర శస్త్రచికిత్స
ఎమ్కేసీజీ ఆసుపత్రిలో పీడియాట్రిక్ సర్జరీ విభాగం సీనియర్ వైద్య నిపుణుడు డాక్టర్ మానస్ రంజన్ దాస్ ఆధ్వర్యంలో చికిత్స జరిగింది.
వైద్య బృందం తొలుత బయటకు వచ్చిన, ఇన్ఫెక్షన్కు గురైన పేగులకు చికిత్స అందించింది.
అనంతరం రక్తం ఎక్కించి సుమారు గంటన్నరపాటు శస్త్రచికిత్స చేశారు.
ధైర్యమే ప్రాణాలు కాపాడింది
ఆపరేషన్ విజయవంతమైందని, ప్రస్తుతం చిన్ను ఆరోగ్యం నిలకడగా ఉందని డాక్టర్ మానస్ రంజన్ దాస్ తెలిపారు.
మరికొన్ని రోజుల పాటు వైద్యుల పర్యవేక్షణలో ఉంచి ఇంటికి పంపిస్తామని చెప్పారు.
ప్రమాదం జరిగిన వెంటనే చిన్ను చూపిన సమయస్ఫూర్తి, ధైర్యం వల్లే సకాలంలో వైద్యం అందించగలిగామని వైద్యులు తెలిపారు.