డ్రగ్స్ విషయంలో అప్రమత్తంగా ఉండాలి
విద్యార్థుల ప్రవర్తనను గమనించాలి
న్యూఢిల్లీ: విద్యార్థులను డ్రగ్స్కు దూరంగా ఉంచేందుకు అవగాహన కల్పించాలని ప్రధాని నరేంద్ర మోదీ ఉపాధ్యాయులను (Teachers) కోరారు. అలాగే విద్యార్థుల స్క్రీన్ టైమ్ను తగ్గించేందుకు కూడా ఉపాధ్యాయులు సహకరించాలని సూచించారు.
ఉపాధ్యాయుల పాత్ర కీలకం
టీచర్స్ డే సందర్భంగా శుక్రవారం జాతీయ స్థాయిలో అవార్డులు అందుకున్న ఉపాధ్యాయులతో మోదీ సమావేశమయ్యారు. ఈ సందర్భంగా విద్యార్థులు చదువుతో పాటు సృజనాత్మక కార్యక్రమాల్లో పాల్గొనేలా సమాజంలోని ప్రతి ఒక్కరూ ప్రోత్సహించాలని చెప్పారు.
విద్యార్థుల అకడమిక్ పనితీరుపైనే దృష్టి పెట్టకుండా.. వారి ప్రవర్తన, రోజువారీ జీవితాన్ని కూడా ఉపాధ్యాయులు గమనించాలని మోదీ సూచించారు. ఉమ్మడి కుటుంబ వ్యవస్థలు తగ్గిపోతున్న నేపథ్యంలో పిల్లల జీవితాల్లో ఉపాధ్యాయుల పాత్ర మరింత పెరిగిందని చెప్పారు.
డ్రగ్స్పై అవగాహన కల్పించాలి
కొన్ని పెద్ద నగరాలు, యూనివర్సిటీల్లో డ్రగ్స్ సమస్యను గుర్తించడం కష్టంగా మారుతోందని మోదీ అన్నారు. ఎవరు ఎవరికి ఏం ఇస్తున్నారో తెలియని పరిస్థితులు ఉంటున్నాయని చెప్పారు.
ఇలాంటి పరిస్థితుల్లో విద్యార్థులకు డ్రగ్స్ వల్ల కలిగే నష్టాలపై అవగాహన కల్పించేందుకు ఉపాధ్యాయులు చొరవ తీసుకోవాలని సూచించారు. ఏ విద్యార్థి ప్రవర్తనలోనైనా మార్పు కనిపిస్తే దాన్ని జాగ్రత్తగా గమనించాలని చెప్పారు.
విద్యార్థుల బాల్యాన్ని కాపాడాలి
విద్యార్థుల బాల్యాన్ని కోల్పోయే పరిస్థితి రాకుండా చూడాలని మోదీ అన్నారు. విద్యార్థుల జీవితాల్లో బాల్యాన్ని సజీవంగా ఉంచేందుకు Teachers చేయగలిగే సహాయం ఎంతో ముఖ్యమని చెప్పారు.
ఈ సమావేశానికి సంబంధించిన వీడియోను శనివారం విడుదల చేశారు.