ముంబైలోని Worli ప్రాంతంలో ట్రాఫిక్ సమస్యపై మంత్రి పై ఆగ్రహం వ్యక్తం చేసిన మహిళ ఘటన ఇప్పుడు చట్టపరమైన మలుపు తీసుకుంది. సోషల్ మీడియాలో వైరల్ అయిన ఈ ఘటనపై పోలీసులకు అధికారిక ఫిర్యాదు నమోదు అయింది.
Girish Mahajan పాల్గొన్న బీజేపీ ర్యాలీ కారణంగా భారీ ట్రాఫిక్ జామ్ ఏర్పడింది. ఈ సమయంలో ఒక మహిళ మంత్రి వద్దకు వెళ్లి ట్రాఫిక్ సమస్యపై తీవ్రంగా ఆక్షేపించిన వీడియో వైరల్ అయింది.
ఈ ఘటనపై అడ్వకేట్ గుణరత్న సదావర్తే కుమార్తె జెన్ సదావర్తే Worli Police Station లో ఫిర్యాదు చేశారు. మహిళపై పబ్లిక్ డిస్టర్బెన్స్, ప్రభుత్వ అధికారులను అడ్డుకోవడం, అసభ్య పదజాలం ఉపయోగించడం వంటి ఆరోపణలు చేశారు.అయితే Mumbai Police స్పష్టత ఇచ్చింది—ఇప్పటివరకు మహిళపై ఎలాంటి FIR నమోదు కాలేదని, సోషల్ మీడియాలో తప్పుడు వార్తలను పంచవద్దని ప్రజలకు సూచించింది.ఇక మంత్రి గిరీష్ మహాజన్ స్పందిస్తూ, మహిళ వాడిన భాష సరైంది కాదని చెప్పినా, ట్రాఫిక్ ఇబ్బందుల కారణంగా ఆమె ఆగ్రహం కొంతవరకు సమంజసమేనని వ్యాఖ్యానించారు.ఇప్పటికే ర్యాలీ నిర్వాహకులపై నిబంధనలు ఉల్లంఘించిన కేసు నమోదు చేసిన పోలీసులు, ఈ ఘటనపై ఇంకా దర్యాప్తు కొనసాగిస్తున్నారు.