రవితేజ ‘ఇరుముడి’కి థియేటర్లలో మాస్ రెస్పాన్స్
మాస్ మహారాజా రవితేజ మోస్ట్ అవైటెడ్ మూవీ ‘ఇరుముడి’ ఆగస్టు 21న థియేటర్లలో విడుదలైంది.
శివ నిర్వాణ దర్శకత్వంలో మైత్రీ మూవీ మేకర్స్ నిర్మించిన ఈ డిఫరెంట్ ఫ్యామిలీ ఎంటర్టైనర్పై ఇప్పటికే భారీ అంచనాలు ఉన్నాయి.
ఆ అంచనాలకు తగ్గట్టుగానే సినిమాకు ప్రేక్షకుల నుంచి అదిరిపోయే రెస్పాన్స్ వస్తోంది.
ప్రీమియర్స్ నుంచే ‘ఇరుముడి’ బ్లాక్బస్టర్ టాక్ సొంతం చేసుకుంది.
ఎట్టకేలకు హిట్ కొట్టిన రవితేజ
చాలా కాలంగా సరైన హిట్ కోసం ఎదురుచూస్తున్న రవితేజకు ‘ఇరుముడి’ మంచి విజయాన్ని అందించే దిశగా దూసుకుపోతోంది.
శివ నిర్వాణ తెరకెక్కించిన ఈ సినిమా శుక్రవారం ప్రేక్షకుల ముందుకు వచ్చింది.
విలేజ్ బ్యాక్డ్రాప్తో పాటు అయ్యప్ప స్వామి మాల నేపథ్యంలో సినిమా కథ సాగుతుంది. ఈ నేపథ్యంలో ప్రేక్షకులు సినిమాను థియేటర్లలో తెగ ఎంజాయ్ చేస్తున్నారు.
సినిమా చూసిన అభిమానులు తమ అభిప్రాయాలను సోషల్ మీడియా వేదికగా పంచుకుంటున్నారు. ముఖ్యంగా సినిమాలోని ‘మల్లెపూల పల్లకి’ పాటకు థియేటర్లలో మాస్ రెస్పాన్స్ కనిపిస్తోంది.
పాటకు పూనకాలతో ఊగుతున్న థియేటర్లు
‘మల్లెపూల పల్లకి’ సాంగ్ ప్లే అవుతున్న సమయంలో అభిమానులు స్క్రీన్ ముందు డ్యాన్స్ చేస్తూ పాటను ఆలపిస్తున్నారు.
కొందరు భజన చేస్తూ సందడి చేస్తున్నారు. దీంతో పలు థియేటర్లలో పండగ వాతావరణం కనిపిస్తోంది.
అంతేకాదు.. కొన్ని థియేటర్లలో అభిమానులు స్క్రీన్కు హారతులు కూడా ఇస్తున్నారు.
ప్రస్తుతం ‘ఇరుముడి’కి సంబంధించిన ఈ వీడియోలు సోషల్ మీడియాలో వైరల్ అవుతున్నాయి.
స్క్రీన్కు హారతి.. వైరల్ అవుతున్న వీడియో
సోషల్ మీడియాలో వైరల్ అవుతున్న ఓ వీడియోలో థియేటర్లో స్క్రీన్కు అభిమాని హారతి ఇస్తూ కనిపించాడు.
‘మల్లెపూల పల్లకి’ పాట ప్లే అవుతున్న సమయంలో అతడు స్క్రీన్కు హారతి ఇచ్చాడు.
ఈ వీడియోను రవితేజ అభిమానులు సోషల్ మీడియాలో భారీగా షేర్ చేస్తున్నారు.
‘ఎట్టకేలకు రవన్న హిట్ కొట్టేశాడు’ అంటూ నెటిజన్లు కామెంట్లు చేస్తున్నారు. మొత్తంగా ‘ఇరుముడి’ విడుదలైన తొలిరోజే థియేటర్లలో రవితేజ అభిమానుల సందడితో హోరెత్తుతోంది.