ఈసిమ్ మోడళ్లకు పెద్ద బ్యాటరీ అవకాశం
హైదరాబాద్: యాపిల్ రానున్న ఐఫోన్ 18 ప్రో, ఐఫోన్ 18 ప్రో మ్యాక్స్ ఫోన్లలో ప్రాంతాలవారీగా
వేర్వేరు బ్యాటరీ సామర్థ్యాలను ఇవ్వాలని పరిశీలిస్తున్నట్లు తాజా లీకులు సూచిస్తున్నాయి.
ఫిజికల్ సిమ్ కార్డులు ఉపయోగించే మార్కెట్లలో విక్రయించే మోడళ్లకు తక్కువ సామర్థ్య
బ్యాటరీ, ఈసిమ్ మాత్రమే ఉన్న వెర్షన్లకు పెద్ద బ్యాటరీ ఇవ్వొచ్చని సమాచారం.
వీబోలో టిప్స్టర్ డిజిటల్ చాట్ స్టేషన్ వెల్లడించిన వివరాలను మరో టిప్స్టర్ ఐస్ యూనివర్స్
కూడా సమర్థించినట్లు తెలుస్తోంది. ఆ సమాచారం ప్రకారం, ఐఫోన్ 18 ప్రోలో ఫిజికల్ సిమ్కు
మద్దతు ఇచ్చే మోడళ్లలో సుమారు 4,056mAh బ్యాటరీ ఉండొచ్చు. ఈసిమ్ మాత్రమే ఉన్న
వెర్షన్లలో 4,288mAh బ్యాటరీ ఇచ్చే అవకాశం ఉంది.
ప్రో మ్యాక్స్లోనూ ఇదే విధానం
ఐఫోన్ 18 ప్రో మ్యాక్స్లో కూడా ఇలాంటి తేడాలు ఉండొచ్చని లీకులు చెబుతున్నాయి. ఈసిమ్
మాత్రమే ఉన్న మోడళ్లలో 5,100mAh నుంచి 5,200mAh వరకు బ్యాటరీ ఉండే అవకాశం ఉంది.
ఫిజికల్ సిమ్ వెర్షన్లలో మాత్రం సుమారు 5,000mAh బ్యాటరీ ఉండొచ్చని సమాచారం.
యాపిల్ మరిన్ని దేశాల్లో ఈసిమ్ విధానాన్ని విస్తరిస్తుండటంతో ఈ తేడా ప్రాధాన్యం సంతరించుకోవచ్చు.
కొన్ని యూరోపియన్ మార్కెట్లలో ఐఫోన్ 18 సిరీస్తోనే ఈ మార్పు ప్రారంభమయ్యే అవకాశం ఉందని
చెబుతున్నారు. భవిష్యత్తులో ఫిజికల్ సిమ్కు పూర్తిగా వీడ్కోలు చెప్పాలని యాపిల్ భావిస్తున్నట్లు సమాచారం.
అలా జరిగితే బ్యాటరీ సామర్థ్యాల్లో ఈ తేడాలు కూడా తొలగిపోతాయి.
ఐఫోన్ 18 ప్రో మోడళ్లు యాపిల్ ఏ20 ప్రో ప్రాసెసర్తో రానున్నట్లు అంచనా. టీఎస్ఎంసీ 2 నానోమీటర్
సాంకేతికతపై తయారయ్యే ఈ చిప్ మెరుగైన పనితీరు, విద్యుత్ వినియోగ సామర్థ్యాన్ని
అందించొచ్చని విశ్లేషకులు భావిస్తున్నారు.
ఫోన్లో వేరియబుల్ అపర్చర్తో కూడిన 48 మెగాపిక్సెల్ ప్రధాన కెమెరా ఉండొచ్చని ప్రచారం సాగుతోంది.
మొత్తం వెనుక భాగంలో మూడు 48 మెగాపిక్సెల్ కెమెరాలతో ట్రిపుల్ కెమెరా వ్యవస్థను యాపిల్ అందించే
అవకాశం ఉంది.
ALSO READ
బ్యాటరీ, కెమెరా, ప్రాసెసర్ అప్గ్రేడ్ల వల్ల తయారీ ఖర్చులు పెరిగే అవకాశముంది. దీంతో కొత్త తరం
ఫ్లాగ్షిప్ ఐఫోన్ల ధరలు పెరుగుతాయా అనే చర్చ మొదలైంది. అయితే ముఖ్యంగా చైనా వంటి పోటీ
మార్కెట్లలో స్థానిక స్మార్ట్ఫోన్ కంపెనీలతో పోటీపడేందుకు యాపిల్ కొంత ఖర్చును తానే భరించే
అవకాశం ఉందని పరిశ్రమ వర్గాలు భావిస్తున్నాయి.