వైజాగ్–చెన్నై పారిశ్రామిక కారిడార్ పరిధిలో ఏర్పాటు చేయనున్న ArcelorMittal Nippon Steel India స్టీల్ ప్లాంట్కు భూమి పూజ నిర్వహించే ముందు నిర్వాసితుల సమస్యలను పరిష్కరించాలని Communist Party of India (Marxist) రాష్ట్ర కార్యదర్శి V. Srinivasa Rao రాష్ట్ర ముఖ్యమంత్రి N. Chandrababu Naiduకు వినతిపత్రం పంపించారు.
నక్కపల్లి మండలంలోని రాజయ్యపేట, బుచ్చిరాజుపేట, చందనాడ, అమలాపురం, డి.ఎల్.పురం పంచాయతీల పరిధిలోని 11 గ్రామాల నుంచి సుమారు 5,500 ఎకరాల భూమిని ప్రభుత్వం సేకరించిందని తెలిపారు. అయితే Right to Fair Compensation and Transparency in Land Acquisition Act, 2013 ప్రకారం ఇవ్వాల్సిన పూర్తి పరిహారం, పునరావాస ప్యాకేజీలు ఇప్పటికీ అమలు కాలేదని పేర్కొన్నారు.నిర్వాసితులకు పూర్తి పరిహారం, పునరావాసం కల్పించడంతో పాటు శాశ్వత ఉద్యోగాలు ఇవ్వాలని డిమాండ్ చేశారు. ఇళ్లు కోల్పోయిన కుటుంబాలకు ప్రస్తుతం ప్రకటించిన రూ.8.98 లక్షల ప్యాకేజీ సరిపోదని, దాన్ని రూ.25 లక్షలకు పెంచాలని కోరారు. నిర్వాసిత కాలనీల్లో మౌలిక సదుపాయాలు పూర్తిగా కల్పించే వరకు ప్రజలను బలవంతంగా ఖాళీ చేయించకూడదని పేర్కొన్నారు.ఈ కార్యక్రమంలో సీపీఎం జిల్లా నాయకులు ఎం.అప్పలరాజు, ఎం.రాజేష్, మండల నాయకులు ఎం.మహేష్బాబు, కె.ప్రసాద్ తదితరులు పాల్గొన్నారు.